ԵՐԵՎԱՆ, 17 հուլիսի. /Նովոստի–Արմենիա/. Մոսկվայում կազմակերպվել է համի խենթացնող տոն` Taste միջազգային գաստրոնոմիկ փառատոնը։ Taste–ի պատմությունը 10 տարի առաջ սկիզբ է առնում Լոնդոնից։ Այսօր 4 օր տևող գաստրոնոմիկ տոնը կազմակերպվում է աշխարհի 22 խոշորագույն քաղաքներում։ 7 տարի անընդմեջ «Աստի Գրուպ» ցուցահանդեսային ընկերությունը մեկ հարթակում միավորում է Մոսկվայի լավագույն ռեստորանները, հմուտ ռուս և միշլենյան շեֆ–խոհարարների, պրոֆեսիոնալ սոմելիեների և գինու փորձագետների ու ամենագլխավորը` այցելուների, որոնց համար համն առանձնահատուկ տեղ է զբաղեցնում կյանքում։
Որպես հյուր` արդեն 4 տարի է այցելում եմ Taste և չեմ դադարում զարմանալ փառատոնի մասշտաբից, շքեղությունից ու անհավանական մթնոլորտից։ Ինձ գրավում է նաև փառատոնի լսարանը` այցելուներ, ովքեր սովոր են որակյալ հանգստի և պատրաստ են մեկնել զիլ ու գաստրոնոմիկ ճամփորդությունների երկրագնդի ամենատարբեր անկյուններ։
Այս տարի փառատոնի պատմության մեջ առաջին անգամ աուտենտիկ Հայաստանում տուրեր կազմակերպող առաջին տուրօպերատորը` «Վարդանուշ տատիկը», որոշել է Taste փառատոնի բոլոր այցելուներին ծանոթացնել Հայաստանում կազմակերպվող յուրահատուկ գաստրո և գինե տուրերին։
Մոսկվայում կազմակերպված գաստրոնոմիկ ամենավառ տոնի բազմաթիվ հյուրերի հետ մենք պատրաստել ենք հայկական սուրճ, լոլիկով ձվածեղ, համտեսել ենք գինու և կոնյակի մեջ պահված պանիրներ, ուսումնասիրել ենք գինե Հայաստանի համն ու բույրը, սովորել ենք բարևել և պարել հայկական ձևով, մի խոսքով` այնպիսի տպավորություն էր, կարծես փառատոնի 4 օրվա ընթացքում տեղափոխվել էինք ծիրանե ամռան երկիր, և, իհարկե, խաղարկեցինք գլխավոր մրցանակը` գաստրոտուր դեպի Հայաստան` նախատեսված երկու անձի համար։
Տարեցտարի Հայաստան կազմակերպվող անհատական տուրերը դառնում են ավելի տարածված ռուսաստանցիների շրջանում։ Երևանի ռեստորանային ինդուստրիան հիացնում է իր խիզախ հաստատություններով, վառ կոնցեպտներով և դարավոր ավանդույթների ու ժամանակակից մոտեցումների ճիշտ համադրությամբ։
Չեմ կարող չնշել, որ հատուկ Taste փառատոնի համար արևային Երևանից ժամանել էլ «Yeremyan Projects» նախագծերի ցանցին պատկանող «Շերեփ» ռեստորանի սու–շեֆ Գևորգ Ստեփանյանը։ Շատերը Հայաստանն ասոցացնում են կոնյակի հետ, սակայն քչերը գիտեն, որ կոնյակ մենք պատրաստում ենք ընդամենը 150 տարի, այն դեպքում, երբ հենց ժամանակակից Հայաստանի տարածքում է գտնվում հնագույն գինեգործարանը` Արենի 1 քարանձավը, որը մոտ 6100 տարեկան է։
Վերջին 10 տարում հայ գինեգործներն իրականացրել են գինու իսկական հեղափոխություն` կանոնավոր կերպով արժանանալով ոսկե և արծաթե մեդալների գինու ամենահեղինակավոր մրցույթներում։
Ինձ հատկապես հաճելի է, որ Հայաստանի բուտիկային գինետները տեղակայված են գլխավոր տեսարժան վայրերի մոտակայքում` յուրօրինակ գինե տուրերը վերածելով վառ ու հարմարավետ իրադարձությունների։
Չնայած վատ եղանակին և տեղատարափ անձրևներին, առաջին նման փորձի արդյունքներն իմ ընկերությունում դրական եմ գնահատում։ Taste–ը ճիշտ հարթակ է` Հայաստանում կազմակերպված գաստրոնոմիկ և գինե ճամփորդություններն առաջ մղելու համար։ Այցելուների 80%–ը թիրախային լսարան է։ Taste–ի 4 օրում «Վարդանուշ տատիկ» տուրօպերատորի Instagram–ին է բաժանորդագրվել 300 իրական օգտատեր, direct–ով ստացվել են անհատական գինե տուրերի մեծ թվով հարցումներ, սոցցանցերում հսկայական արձագանք են ստացել Հայաստանի գաստրոնոմիկ ճամփորդությունները և ստացել ենք մեծ դրական լիցքեր յուրաքանչյուր հյուրից մեր վառ և ուրախ food տաղավարում։
Փառատոնի հյուրերը նշում էին, որ հայկական տաղավարը շատ աուտենտիկ ու տրամադրող էր։ Իհարկե, չէ՞ որ որպես սեղաններ մենք օգտագործել էինք կաղնուց պատրաստված գինու տակառներ, որոնք Մոսկվա էին բերվել Voskevaz գինու գործարանից` հատուկ Taste of Moscow–ին մասնակցելու համար, իսկ ֆոտոգոտին զարդարել էր Մերուժան Խաչատրյանի նկարն ու կավե կարասը, որում ոչ այնքան վաղուց հնեցրել են գինի Հայաստանի առաջին գինե ամրոցում` Voskevaz Winery–ում։
Ուզում եմ շնորհավորել գինեգործներին, Voskevaz Van Ardi Old Bridge Voskeni փառատոնի մասնակիցներին գինե Հայաստանն ըստ արժանվույն ներկայացնելու կապակցությամբ, ինչպես նաև նշել Միքայելյանների ընտանեկան ֆերմայի պանիրները, որոնք ունեցան մեծ հաջողություն Taste–ի շրջանակում:
Taste of Moscow-ի մասին կարող եմ դեռ շատ երկար պատմել։ Գունեղ ֆոտոներին և տեսանյութերին կարող եք ծանոթանալ մեր Instagram–ում։ Հուսով եմ, որ հաջորդ տարի համի այս խենթ տոնը կկազմակերպվի Երևանում, և յուրաքանչյուր ոք կկարողանա այցելել։ Մինչ հանդիպում Հայաստանում կազմակերպվող անհատական գաստրո և գինե տուրերում` «Վարդանուշ տատիկի» հետ։
Ամալիա Ակոպովա, «Վարդանուշ տատիկ»
