ԵՐԵՎԱՆ, 17 հուլիսի./Նովոստի–Արմենիա/. Առողջ մարդկանց ուղեղի աշխատանքի ակտիվացման և հիշողության բարելավման համար պատասխանատու են նոոտրոպներ կոչվող նյութերը: Բացի դեղագործական նոոտրոպներից գոյություն ունեն նաև բնական նոոտրոպներ, որոնք նույնպես կարող են ապահովել ուղեղի օպտիմալ աշխատանքը, գրում է Вести.Медицина–ն:
Նոոտրոպները կամ նեյրոմետաբոլիկ խթանիչները բժշկական միջոցներ են, որոնք նախատեսված են հոգեկան բարձր ֆունկցիաների վրա հատուկ ազդեցություն գործելու համար:
Կոֆեին
Առույգ առավոտվա պարտադիր բաղադրիչներից է կոֆեինը, որը բնականնոոտրոպների սուպերաստղն է: Կոֆեինը, որն առկա է սուրճի, թեյի և շոկոլադի մեջ, ոչ միայն ավելացնում է էներգետիկ ներուժը, այլև բարելավում է հիշողությունը և կենտրոնանալու կարողությունը, ինչն օգտակար է օրինակ անքուն գիշերից հետո: Այդ ամենը տեղի է ունենում ադենոզինային ռեցեպտորներն արգելափակելու կոֆեինի ունակության հաշվին, որոնց միջոցով ուղեղն ազդանշաններ է ստանում հոգնածության մասին:
L-թեանին
L-թեանինը յուրահատուկ ամինաթթու է, որը հիմնականում առկա է բույսերի և սնկերի մեջ: Նա ունակ է հանգստացնել մարմինը` կանխելով տարբեր տեսակի գերծանրաբեռնվածությունների ռիսկը, միաժամանակ այն չի առաջացնում թուլություն և քնքոտություն: L-թեանինը շատ լավ համադրվում է կոֆեինի հետ` ոչ մի կերպ չճնշելով վերջինիս ազդեցությունը: Երկու նյութերը բավարար քանակությամբ կարելի է գտնել կանաչ թեյի մեջ:
Կրեատին
Բոլոր ողնաշարավորների օրգանիզմում առկա այս թթուն կարևոր է մկանային և նյարդային բջիջների մեջ նորմալ նյութափոխանակության համար: Կրեատինով հավելումները շատ տարածված են մարզիկների շրջանում հենց այն պատճառով, որ կարող են նպաստել մկանների աճին: Սակայն կրեատինը նաև գերազանց խթանիչ է ուղեղի համար, քանի որ ֆոսֆատների հետ կապվելով` այն ապահովում է լրացուցիչ էներգիա` բարելավելով կարճաժամկետ հիշողությունը: Որտե՞ղ է կա մեծ քանակի կրեատին, ձկան (մասնավորապես ծովատառեխի) և ծովամթերքի մեջ:
Ժենշեն
Ժենշենով թեյը լավ այլընտրանք է սուրճին (անգամ եթե ձեզ դեռ այդպես չի թվում): Բանն այն է, որ ժենշենը, որն այդքան սիրված է ավանդական արևելյան բժշկության մեջ, նպաստում է ուղեղի աշխատանքի և հիշողության լավացմանը, ինչը տեղի է ունենում ուղեղում օքսիդատիվ սթրեսի նվազման հաշվին: Բացի այդ, հետազոտությունները ցույց են տալիս, որ կանոնավոր օգտագործման դեպքում ժենշենը կանխում է հիշողության տարիքային կորուստը:
Քրքում
Մենք հենց այնպես չէ, որ խորհրուրդ ենք տալիս ավելացնել քրքումն ամենատարբեր ճաշատեսակների մեջ, չէ՞ որ այն պարունակում է կախարդական բաղադրիչներ: Ակտիվ բաղադրիչը, որը, թվում է, կարող է լուծել առողջական խնդիրների 99 տոկոսը, նաև դրական է ազդում կոգնիտիվ ֆունկցիաների վրա: Ըստ հետազոտությունների, քրքումը բարելավում է աշխատանքային հիշողությունը, ավելացնում ուղեղի նեյրոտրոպիկ գործոնը (աջակցում է նեյրոնների զարգացմանը) և արգելափակում է բորբոքային ցիտոկինները:-0-
