«Կայցելեմ Հայաստան». ամերիկացիները համտեսում են «ֆանտաստիկ» հայկական մթերքը

ԵՐԵՎԱՆ, 1 օգոստոսի. /Նովոստի–Արմենիա/. Ամերիկացիները համտեսել են հայկական մթերք BuzzFeedVideo ալիքում, մասնավորապես`փքաբլիթներ, լավաշ, թան և բյորեկ։ Տեսանյութում չորս ամերիկացի աղջիկներ են, որոնցից երկուսն ունեն հայկական ծագում։ Նրանք հաճույքով գնահատում են հայկական ուտելիքն ու նշում, որ այն պարզապես ֆանտաստիկ է։

Հարկ է նշել, որ նրանք ոչ միայն ուտում են հայկական մթերքը, այլև համեմատում են այն ամերիկյան նույնատիպ մթերքի հետ, և նախընտրությունն ակնհայտ է։–0–