Օրվա աղանդեր. պաննա կոտա սպիտակ շոկոլադով և ելակով

ԵՐԵՎԱՆ, 23 օգոստոսի. /Նովոստի–Արմենիա/. Պաննա կոտան հյուսիս–իտալական աղանդեր է սերուցքից, շաքարից և վանիլից։ Բառացի թարգմանությամբ հնչում է որպես «եփված կրեմ», բայց ավելի նման է կրեմային պուդինգի։

Աղանդերի պատրաստման համար պահանջվում է`

Յուղոտ սերուցք – 600 մլ;

Կաթ – 200 մլ;

Ելակ – 200 գ;

Սպիտակ շոկոլադ – 200 г;

Շաքարի փոշի – 50 г;

Վանիլ պատիճավոր – 1 հատ;

Դափնու տերև – 4 հատ;

Ժելատին – 15 գ.

Պատրաստման եղանակը`

Նախևառաջ, երկատեք վանիլի պատիճը, դանակի սուր ծայրով կտրեք հատիկները։ Սերուցքը և կաթը լցրեք կաթսայի մեջ, ավելացրեք վանիլի հատիկներ, դափնու տերևները և շաքարի փոշի։ Խառնեք և տաքացրեք կրակի վրա մինչև առաջին պղպջակները։ Դրանից հետո հանեք կրակի վրայից և հանեք կաթսայից դափնու տերևները և վանիլի պատիճը։

Խոշոր կտորների բաժանեք 160 գրամ սպիտակ շոկոլադ և ավելացրեք խառնուրդին։ Խառնեք, տաքացրեք մարմանդ կրակի վրա, մինչև որ շոկոլադը հալվի։ Այնուհետև հանեք խառնուրդը կրակի վրայից, ավելացրեք ժելատին և խառնեք, որ գնդիկներ չմնան։ Պատրաստի խառնուրդը քամեք, լցրեք ամաններով և թողեք սառնարանում երկու ժամով։ Մատուցելուց առաջ զարդարեք աղանդերը ելակով և քերած շոկոլադով։