ԵՐԵՎԱՆ, 24 օգոստոսի. /Նովոստի-Արմենիա/. Այսօր՝ չիպսի ծննդյան օրը, առաջարկում ենք ձեզ տան պայմաններում կարտոֆիլից և այլ մթերքից պատրաստվող հասարակ և համեղ չիպսերի բաղադրատոմսերը:
Ֆրիտյուրում պատրաստված կարտոֆիլե չիպս
Բաղադրիչներ.
Կարտոֆիլ
Արևածաղկի բուսայուղ
Աղ, համեմունքներ
Պատրաստման եղանակը.
Կարտոֆիլը լավ լվանալ, ցանկության դեպքում մաքրել այն, կտրել բարակ շրջանակների (կարտոֆիլը առավել բարակ կտրելու համար կարելի է օգտագործել բանջարեղեն կեղևելու համար նախատեսված դանակ): Խորը թավայի մեջ լցնել արևածաղկի ձեթ, թողնել, որ այն եռա, ինչից հետո հերթով ավելացնել կարտոֆիլի մեկական շրջանակ, որպեսզի շրջանակները չկպնեն իրար: Հանել արդեն պատրաստի չիպսը, տեղադրել անձեռոցիկի վրա, որպեսզի դուրս գա յուղի մնացորդը: Քանի դեռ կարտոֆիլը տաք է, ավելացնել աղ և համեմունքներ:
Լավաշից պատրաստված չիպսեր
Բաղադրիչներ
Բարակ լավաշ
Կետչուպ
Մայոնեզ
Չոր պանիր
Պապրիկա
Պրովանսալ խոտաբույսեր
Պատրաստման եղանակը.
Կտրատել լավաշը, մի մասի վրա կետչուպ քսել, մյուս մասի վրա՝ մայոնեզ, լավաշի վրա ավելացնել քերած պանիր և համեմունքներ: Ցանկության դեպքում կարելի է ավելացնել չորացրած սամիթ: Պատրաստել ջեռոցում մինչև չիփսերի կարմրելը:
Խնձորից կամ տանձից պատրաստված չիպս
Բաղադրիչներ.
3 հատ միջին կոշտ խնձոր
2 հատ միջին կոշտ տանձ
1,5 լիմոնի հյութ
100 գր դարչնագույն շաքարավազ
Պատրաստման եղանակը.
Կտրեք պտուղը բարակ կտորներով՝ 3 մմ ոչ ավելի: Կիտրոնի հյութը քամեք ամանի մեջ և խառնեք մի փոքր ջրով: Թաթախել մրգերի բարակ կտրած պատառիկները կիտրոնի հյութի մեջ, որպեսզի դրանք չսևանան: Տարայի մեջ խառնել 100 գր դարչնագույն շաքարավազը և 200 մլ ջուրը, եռացնել և եփել միջին կրակի վրա 5-7 րոպե, մինչև շաքարը լուծվի, և օշարակը սկսի խտանալ: Դնել մրգերի պատառիկներն օշարակի մեջ և եռացնել: Զգուշությամբ հանել մրգերը, դնել նախապես մագաղաթով ծածկված ցանցի վրա և չորացնել նախապես տաքացրած ջեռոցում 3 ժամ 100 ° C ջերմաստիճանի դեպքում (այդ ընթացքում մեկ անգամ շրջել)
Միքրոալիքային վառարանում առանց ձեթի չիպս
Բաղադրիչներ.
Կարտոֆիլ
Աղ և համեմունքներ
Պատրաստման եղանակը.
Կարտոֆիլը լվանալ և կտրատել բարակ պատառիկներով (ցանկության դեպքում կարելի է չմաքրել): Մեկ շերտով դնել մագաղաթի վրա, պատրաստել միքրոալիքային վառարանում՝ 700-750 Վտ հզորության ներքո: Ինչից հետո, ըստ համի, ավելացնել աղ, համեմունքներ և կանաչեղեն:
