ԵՐԵՎԱՆ, 3 հոկտեմբերի. /Նովոստի-Արմենիա/. 20-ից ավելի գինեգործական ընկերություն, տնական գինու բազուն տեսակներ, ինչպես նաև երաժշտություն և հյուրասիրություն` այդպես իր հյուրերին կդիմավորի «Արենի» 11-րդ գինու փառատոնը:
Ինչպես պատմեց «Արենի» փառատոնի հիմնադիր և տնօրեն Նունե Մանուկյանը, այս տարի փառատոնին կմասնակցեն 3 գինեգործական ընկերություններ, որոնք առաջին անգամ հասարակությանը կներկայացնեն իրենց արտադրանքը:
Նա նշեց, որ տարեցտարի փառատոնը ներգրավում է ավելի շատ զբոսաշրջիկներ, ովքեր գալիս են Հայաստան հատուկ գինու տոնի համար: Ըստ նրա, չնայած նրան, որ զբոսաշրջիկների մեծ մասը գալիս է Ռուսաստանից, «Արենի» փառատոնով հետաքրքրվում են նաև ԱՄՆ-ից, Ֆիլիպիններից, Ավստրալիայից, Մալայզիայից և բազմաթից այլ երկրներից, որտեղ տեղական տուր օպերատորները ներառում են գինու փառատոնն իրենց առաջարկությունների մեջ:
«Ամենակարևորն այն է, որ գինու փառատոնը թույլ է տալիս գինեգործներին սկսել աշխատել որակի վրա», - ասաց նա:
Բացի այդ, փառատոնը դարձել է յուրօրինակ հարթակ`նոր ծանոթություններ հաստատելու համար:
Փառատոնի տնօրենը բացատրեց, որ կազմակերպիչները հաճախ հեռախոսազանգեր են ստանում մադկանցից, ովքեր «Արենի» փառատոնի ժամանակ հանդիպել են իրենց երկրորդ կեսը և ցանկանում են կրկին մասնակցել փառատոնին, որպեսզի այդկերպ նշել ծանոթության տարեդարձը:
«Այս շաբաթ մենք բազմաթիվ նման զանգեր ենք ստացել` մարդիկ գալիս են նշելու ծանոթության տարեդարձը, և այնքան ուրախալի է, որ մեր փառատոնը նպաստում է ոչ միայն գինեգործության և զբոսաշրջության զարգացմանը, այլ նաև օգնում է ընտանիքներ ստեղծել», - ժպիտով ասաց նա:
Հաշվի առնելով այն, որ կուտակվելէ արդեն մի քանի նման պատմություն, Մանուկյանը պատմեց, որ գոյություն ունի գաղափար` հավաքել այդ բոլոր պատմությունները և ներկայացնել դրանք հաջորդ տարվա փառատոնին:Արենի համայնքի կառավար Գևորգ Սիմոնյանը նշեց, որ փառատոնի անցկացումը օգնեց գյուղի զարգացմանը, մասնավորապես` գինու մշակույթի մասսայականացմանը, ինչպես նաև բերել է նրան, որ համայնքում չկա աշխատատեղերի պակաս, բոլոր ազատ տները և բնակարանները վարձակալած են, մարդիկ վերադառնում են հայրենի գյուղ այլ երկրներից: Նա նշեց նաև, որ ավելացել է տուրիստական հոսքը դեպի Արենի:
«Խոսքը գրեթե 50 հազար մարդու մասին է, ովքեր գալիս են Արենի, սենյակներ են վերցնում հյուրանոցներում, հաճախում են ռեստորաններ, գինետներ: Եվ փառատոնի անցկացման օրը նույնպես ամեն ինչ վարձակալած է լինում», - պատմեց նա:
«Արենի» փառատոնի անցկացվում է Հայաստանում` սկսաց 2008 թ.-ից: Ամեն տարի` փառատոնի անցկացման օրը, Արենին վերածվում է տոնակատարությունների ասպարեզի. հադես են գալիս պարային խմբեր, նվագախմբեր: Փառատոնին տեղական գինեգործները ներկայացնում են իրենց արտադրանքը:-0-
