ԵՐԵՎԱՆ, 8 հոկտեմբերի. /Նովոստի–Արմենիա/. Ռեալիթի շոուի ամերիկահայ աստղ և մեդիադեմք Քիմ Քարդաշյանը, ելույթ ունենալով WCIT-2019 ՏՏ համաշխարհային կոնգրեսում, պատմեց իր սիրած հայկական մթերքների մասին։
«Հայաստանում լավագույն թել պանիրն ու լավաշն է։ Սրանք իմ սիրած տնական նախուտեստներն են»,– ասաց հեռուստաաստղը` բուռն ծափահարությունների արժանանալով։
Քարդաշյանը Հայաստանում է WCIT-2019–ին մասնակցելու նպատակով։
Հոկտեմբերի 6–ին մեկնարկել է տեխնոլոգիական աշնան կարևորագույն և ամենամասշտաբային միջոցառումներից մեկը` WCIT 2019–ը, որն անցկացվում է ՀՀ կառավարության աջակցության և բարձր հովանու ներքո։
Այս տարի WCIT 2019–ն անցկացվում է «Ապակենտրոնացման ուժ. հեռանկարներ և ռիսկեր» խորագրով։ Համաժողովի ժամանակ քննարկվելու է, թե ինչպես են տեղեկատվական և հեռահաղորդակցական տեխնոլոգիաներն ազդում եկամտի և բարեկեցության, հուսալիության և անվտանգության, ժողովրդավարության և մարդասիրության վրա։ -0-
