ԵՐԵՎԱՆ, 10 հոկտեմբերի./Նովոստի–Արմենիա/. Շատ մարդիկ մանրամասն ընտրում են օգտագործվող սննդամթերքը, սակայն ոչ բոլորն են մտածում այն մասին, թե ինչպես են մթերքները համադրվում միմյանց հետ։ Մթերքները մարսելու համար օրգանիզմը պետք է գործի դնի մի քանի բարդ պրոցես։ Այդ պատճառով մթերքների որոշակի համադրությունները խախտում են մարսողական համակարգի աշխատանքը, ինչը հանգեցնում է ստամոքսի խանգարման։ ELLE ամսագիրը ներկայացնում է մթերքների ամենավնասակար համադրությունները, որոնցից ավելի լավ է խուսափել։
Կարտոֆիլ և միս
Այս երկու մթերքները մարսելու համար հարկավոր են տարբեր տեսակի մարսողական ֆերմենտներ։ Արդյունքում, կերակուրը երկար ժամանակ չի մարսվում, իսկ դուք ունենում եք ծանրության զգացողություն։
Վարունգ և լոլիկ
Վարունգն իր բաղադրությամբ ավելի շատ ալկալիական մթերք է, իսկ լոլիկը` թթվային։ Երբ ստամոքսում արտազատվում է թթու` վարունգը մարսելու համար, լոլիկը սկսում է խմորվել։ Այդ պատճառով վարունգից և լոլիկից բաղկացած աղցանի մեծ չափաբաժնի դեպքում ստամոքսը հաճախ ուռում է, ինչը կարող է հանգեցնել տհաճ հետևանքների։
Ալկոհոլ և սուրճ
Սուրճը միայն քողարկում է ալկոհոլի ազդեցությունը։ Մեկ բաժակ ամերիկանոյի արդյունքում կարելի է վեց ժամ առույգ լինել, այդ ողջ ընթացքում ձեր օրգանիզմը մաքսիմալ ջրազրկված է, և ամուր քնի փոխարեն սպասվում է անքնություն և արագ սրտխփոց։
Բուրգեր և գինի
Յուղոտ կոտլետն ու ալկոհոլն ուժեղ հարված են հասցնում լյարդին. օրգանիզմը «զբաղվում է» գարեջրով` փորձելով չեզոքացնել տոքսինների ազդեցությունը, իսկ այդ ժամանակ բուրգերի ճարպը հայտնվում է օրգանիզմում և սկսում կուտակվել։ Տհաճ հետևանքներից են ստամոքսի ծանրությունը, այրոցը։
Արքայախնձոր և յոգուրտ
Արքայախնձորը պարունակում է բրոմելայն` ֆերմենտային համալիր, որը կաթնամթերքի հետ համադրելու դեպքում կարող է հանգեցնել թունավորման։
Գինի և աղանդեր
Գինին խթանում է ինսուլինի արտադրությունը և նպաստում է շաքարի յուրացմանը, ինչը հանգեցնում է ճարպերի կուտակումների ավելացման։–0–
