ԵՐԵՎԱՆ, 17 հոկտեմբերի. /Նովոստի–Արմենիա/. CNN–ը հոկտեմբերի 16–ին նշվող Հացի համաշխարհային օրվան ընդառաջ նախապատրաստել է լավագույն հացի վարկանիշ, որում ընդգրկվել է տարբեր երկրների 50 անուն հաց։
Հոդվածում պատմվում է նորապսակների ուսերին լավաշ գցելու հայկական ավանդույթի մասին, ինչը խոսում է առատության և բարգավաճման մասին։ Դա բացատրվում է նրանով, որ լավաշի պատրաստման համար ընկերներ են պետք։
«Լավաշ թխելու համար կանայք հավաքվում են խմբով, որ հատուկ պատրաստած բարձի վրա բացեն խմորը։ Փորձառու ձեռք է պետք, որ խմորե հսկա թերթերը հարվածելով ամրացնի թոնրի պատերին, որտեղ դրանք թխվում են բարձր ջերմաստիճանով»,– նշվում է հոդվածում։
Լավաշն այնքան կարևոր է հայկական մշակույթի համար, որ ընդգրկվել է ՅՈՒՆԵՍԿՕ–ի ոչ նյութական ժառանգության ցանկում։ -0-
