ԵՐԵՎԱՆ, 21 նոյեմբերի./Նովոստի–Արմենիա/. «Նովոստի–Արմենիա» միջազգային տեղեկատվական գործակալությունը որոշել է առաջատար հայկական բուհերի ուսանողների շրջանում անցկացված Digital մրցույթի հաղթողներին։
Ուսանողների աշխատանքները պետք է ներառեին ակտուալ և օգտակար տեղեկատվություն Հայաստանի գաստրոնոմիկ նրբությունների, ավանդույթների, ինչպես նաև տուրիստական ուղղությունների մասին։
Մրցույթին մասնակցել է Հայ–ռուսական սլավոնական համալսարանի և Մոսկվայի Լոմոնոսովի անվան պետական համալսարանի երևանյան մասնաճյուղի ավելի քան 30 ուսանող, ովքեր ներկայացրեցին ստեղծագործական նախագծեր մուլտիմեդիոն ձևաչափում։
Ընտրվել են երեք ամենաօրիգինալ աշխատանքները.
- «Кола, соль и сырое яйцо. Необычные для Армении рецепты кофе» («Կոլա, աղ և հում ձու. սուրճի տարօրինակ բաղադրատոմսեր»)
Հեղինակ` Մարտիրոսյան Մարտինա, 4–րդ կուրս (Հայ–ռուսական սլավոնական համալսարան)
2. «Очаг гастротуризма в Армении. Фоторепортаж с ароматом хлеба» («Գաստրոտուրիզմի օջախ Հայաստանում. ֆոտոռեպորտաժ`հացի բույրով»)
Հեղինակներ` Գինոսյան Կրիստիան և Էլիզա Մխիթարյան, 3–րդ կուրս (Հայ–ռուսական սլավոնական համալսարան)
3. «Один день в винодельне Арени – фоторепортаж» («Մեկ օր Արենիի գինեգործարանում. ֆոտոռեպորտաժ»)
Հեղինակներ` Զաքոյան Մարինա և Բդոյան Մարիա, 3–րդ կուրս (Հայ–ռուսական սլավոնական համալսարան)
Աշխատանքները կհրապարակվեն foodandwine.newsarmenia.am կայքում։
Food&Wine նոր հատուկ նախագիծը, որը «Նովոստի–Արմենիա» գործակալությունը գործարկել է հուլիսին, չի սահմանափակվում միայն Հայաստանով և պատմում է տարբեր երկրների խոհանոցների, գաստրոնոմիկ ավանդույթների մասին։ «Նովոստի–Արմենիա» միջազգային տեղեկատվական գործակալությունն աշխատում է Հայաստանի լրատվական դաշտում 2005թ.–ից և մեդիաշուկայի առաջատարներից մեկն է։ Գործակալությունն ամենամեջբերվողներից է հայկական ԶԼՄ–ների շրջանում, այսօր ունի 150 հազար բաժանորդ Facebook–ում, ինչն ապահովում է օրական ավելի քան 250 հազար դիտում։–0–
