ԵՐԵՎԱՆ, 21 դեկտեմբերի./Նովոստի–Արմենիա/. Ամանորին հաճելի է մատուցել տարատեսակ ըմպելիքներ։Իսկ միգուցե այս տարի փորձեք զարմացնել հյուրերին` մատուցելով ձեր իսկ պատրաստած ոչ ալկոհոլային ըմպելիքները։ Յուրօրինակ բաղադրատոմսեր է առաջարկում 2k19.info–ն։
Ամանորյա կոկտեյլ` «Փշատերևի ice cream»
Բաղադրիչներ
- Պաղպաղակ – 50 գրամ
- Նարնջի հյութ – 30 մլ
- Արքայամորու մրգահյութ – 30 մլ
- Եղևնու փշատերև – 1 ճյուղ
Պատրաստման եղանակը
Տրորելով մանրացնել փշատերևը` միաժամանակ ավելացնելով արքայամորու մրգահյութը։ Ստացված զանգվածը լցնել բաժակի մեջ։ Այնուհետև ավելացնել նարնջի հյութը և վերջում` պաղպաղակը։ Մատուցել ձողիկով։
Կաթնային կոկտեյլ խուրմայով
Բաղադրիչներ
- Կաթ – 400 մլ
- Հասած, փափուկ խուրմա – 2 փոքր կամ 1 մեծ
- Պատրաստման եղանակը
Հեռացնել խուրմայի կորիզները և փափուկ մաս լավ հարել բլենդերում, այնուհետև ավելացնել կաթը և կրկին հարել։ Ստացված զանգվածը լցնել բաժակի մեջ։ Վերջում կարելի է ավելացնել մանրացված ընկույզ։
Ամանորյա կոկտեյլ «Թագուհի»
Բաղադրիչներ
- Արքայամորու հյութ – 100 գրամ
- Սառը եռացրած կաթ – 100 գրամ
- Սառույց – 2 խորանարդիկ
Պատրաստման եղանակը
Լավ հարել սառը կաթն ու արքայամորու հյութը։ Այնուհետև ստացված զանգվածը լցնել բաժակի մեջ ու զարդարել թարմ կամ սառեցված արքայամորիով։–0–
