ԵՐԵՎԱՆ, 5 մարտի. /Նովոստի-Արմենիա/. Մեղրն ամենաօգտակար մթերքներից է, որն ունի բազմաթիվ օգտակար հատկություններ: Սակայն, դրանց հետ մեկտեղ, այն ունի մի շարք հատկություններ, որոնք կարող են կործանարար ազդեցություն ունենալ մարդու առողջության վրա:
Ինչպես հայտնում է «Аргументы и факты»-ն, մեղրի մեջ մեծ քանակությամբ ֆրուկտոզա կա. նյութ, որը նպաստում է լյարդում ճարպային կուտակումներին և դրա բորբոքմանը: Չնայած որ այլ շաքարները նույնպես նման բացասական արդյունքների են հանգեցնում, ֆրուկտոզայի ազդեցությունն այս համատեքստում ամենաուժեղն է: Այն հատուկ դեր է խաղում ստեատոհեպատիտի զարգացման և դրա՝ ցիռոզի և, նույնիսկ, քաղցկեղի տեսքով հնարավոր հետևանքների մեջ:
Անհրաժեշտ է նշել, որ մեղրում առկա մեծ քանակությամբ ֆրուկտոզան և գլյուկոզան այն նյութերն են, որոնց շաքարը տարրալուծվում է մարսողության ժամանակ և դրանով բացասական արդյունք առաջացնում: Մեղրում դրանք մաքուր տեսքով են, այդ պատճառով, որոշ մասնագետների կարծիքով, մեղրը չի կարող համարվել շաքարի անվտանգ փոխարինիչ:
Գլյուկոզան բարձրացնում է արյան մեջ շաքարի պարունակությունը, իսկ մեղրի գլիկեմիկ ցուցիչը նույնն է, ինչ շաքարի մոտ: Անխոս, մեղրը պարունակում է օգտակար բաղադրիչներ և բիոակտիվ նյութեր: Օրինակ, պոլիֆենոլ (ֆլավոնոիդները, կեմպֆերոլը, ապիգենինը, կվերցետինը), խոլինը և ացետիլ խոլինը: Բայց դրանք կան նաև այլ մթերքների մեջ:
Լայնատարած համոզմունքներին հակառակ, մեղրը պարունակում է քիչ վիտամիններ և հանքանյութեր: Օրինակ, կալցիումի օրական անհրաժեշտ չափաբաժինը լրացնում են մեղրի 200 թեյի գդալը, ֆոսֆորի դեպքում՝ 267 թեյի գդալ, իսկ վիտամիններինը՝ 3 կգ մեղրը: Մեղրը նաև պարունակում է քիչ քանակի սպիտակուցներ և ամինաթթուներ:-0-
