ԵՐԵՎԱՆ, 30 մարտի./Նովոստի-Արմենիա/. Ժամանակավոր մեկուսացումը, որին կորոնավիրուսի պատճառով ստիպված դիմել են շատ երկրներ, այդ թվում՝ Հայաստանը, անհարմարություններից բացի նաև առավելություններ ունի։
Չէ՞ որ դա հիանալի առիթ է ինչ-որ նրբաճաշակ և ախորժելի ուտեստ պատրաստելու, ինչպես նաև խոհարարական ունակությունները որակապես նոր մակարդակի բարձրացնելու համար։
«Food&Wine» պորտալը շարունակում է «Խոհարարական դասընթացներ` առանց տնից դուրս գալու» նյութերի շարքը, որտեղ հրապարակվելու են թեթև և ախորժելի ուտեստների բաղադրատոմսեր, որոնք ոչ միայն հեշտ է պատրաստել տնային պայմաններում, այլև չեն վնասում կազմվածքին։
Բաղադրիչներ
- Խոշոր, քաղցր լոլիկ – 4 հատ
- Վարունգ – 3 հատ
- Ձու – 3 հատ
- Քաղցր կանաչ պղպեղ – 1 հատ
- Քաղցր դեղին պղպեղ – 1 հատ
- Կարմիր սոխ - 1 հատ
- Կես կանաչ չիլի պղպեղ
- Կանաչ սոխի ծլեր - 4 հատ
- Նեխուր – 2 ցողուն
- Սխտոր – 2 պճեղ
- Ձիթապտղի յուղ – 2 ճաշի գդալ
- Թարմ աղացած սև պղպեղ
- Աղ
Պատրաստման եղանակը
Առանց իրար խառնելու մանր կտրատել վարունգը, գլուխ սոխը, քաղցր պղպեղը և չիլին (նախապես հեռացնելով կորիզները), ինչպես նաև մանր կտրատել նեխուրը և կանաչ սոխը։
Լոլիկների վրա եռման ջուր լցնել, հանել կեղևը, խոշոր կտրատել և լցնել բլենդերի մեջ։ Վրան ավելացնել սխտորը, չիլի պղպեղը, ձիթապտղի յուղը և մնացած կտրատած բանջարեղենի կեսը։ Հարել մինչև խյուս դառնալը, համեմել աղով, պղպեղով և մեկ ժամով դնել սառնարան։
Մնացած բանջարեղենը և մանր կտրատած, եփած ձվերը լցնել փոքր ափսեների մեջ և մատուցել ապուրի հետ` վրան ցանելու համար։
Բարի ախորժակ։-0-
