ԵՐԵՎԱՆ, 10 ապրիլի./Նովոստի-Արմենիա/. Յուրաքանչյուր մարդ, ով գոնե մեկ անգամ դիտել է «Ռատատույ» մուլտֆիլմը, ցանկացելէ համտեսել այն ուտեսը, որը պատրաստել է փափկամազիկ շեֆ խոհարարը։Իրականում, ռատատույ պատրաստելն այնքան էլ դժվար չէ, որքան թվում է։
«Խոհարարական դասընթացներ՝ առանց տնից դուրս գալու» բաժնի շրջանակում առաջարկում ենք պատրաստել հենց այն ռատատույը և գրավել եթե ոչ ռեստորանային քննադատի, ապա ձեր տնեցիների սրտերը։
Բաղադրիչներ
- Կարմիր սոխ – 2 հատ
- Սխտոր – 4 պճեղ
- Սմբուկ – 2 հատ
- Դդմիկ – 3 հատ
- Կարմիր կամ դեղին բուլղարական պղպեղ – 3 հատ
- Լոլիկ – 6 հատ
- Ռեհան – կես փունջ
- Բալզամիկ քացախ – 1 ճաշի գդալ
- Կիտրոն – կես հատ
- Պահածոյացված լոլիկ – 400 գ
- Ձիթապտղի յուղ
- Ծոթոր
- Աղ
- Պղպեղ
Պատրաստման եղանակը
Շերտերով կտրատել սոխը, սմբուկը և դդմիկը (մոտ 1 սմ հաստությամբ)։ Սխտորը և ռեհանը մանր կտրատել, պղպեղը կտրատել ցանկացած չափի, ինչպես նաև մանր կտրատել լոլիկը։
Խորը թավայի կամ կաթսայի մեջ տաքացնել ձիթապտղի յուղը, տապակել սմբուկը, դդմիկը և տաքդեղը մոտ 5 րոպե, մինչև թեթև կարմրեն և փափկեն։ Հանել և դնել թասիկի մեջ։ Նույն թավայի/կաթսայի մեջ լցնել սոխը, սխտորը, ռեհանը և ծոթորը, շոգեխաշել 10-15 րոպե, ինչից հետո ավելացնել արդեն պատրաստի սմբուկը, դդմիկը և պղպեղտ, ինչպես նաև թարմ և պահածոյացվոծ լոլիկը, բալզամիկ քացախը, աղը և պղպեղը։
Փակել թավան/կաթսան կափարիչով և շոգեխաշել 30-35 րոպե թույլ կրակի վրա։ Պատրաստի ռատատույի վրա ցանել ռեհանի տերևներ և կիտրոնի քերած կեղև։
Բարի ախորժակ։
