ԵՐԵՎԱՆ, 24 ապրիլի./Նովոստի-Արմենիա/. Կորոնավիրուսի դեմ պայքարը չի հանդարտվում, և մարդիկ, վարակից խուսափելու համար, ստիպված են շատ ժամանակ անցկացնել տանը: Իսկ դա խոհարարական հմտությունները զարգացնելու հիանալի առիթ է:
Այս անգամ «Խոհարարական դասընթացներ՝ առանց տնից դուրս գալու» նյութերի շարքի շրջանակում առաջարկում ենք ձեր ճաշացանկը բազմազան դարձնել ասիական խոհանոցի մի ուտեստով՝ բանջարեղենով և հավի մսով ֆունչոզայով:
Բաղադրիչներ
- Հավի փափկամիս – 500 գր
- «Ֆունչոզա» տեսակի լապշա – 200 գր
- Կանաչ լոբի – 400 գր
- Սոխ – 2 հատ
- Գազար – 1 հատ
- Քաղցր պղպեղ – 1 հատ
- Սխտոր – 1 պճեղ
- Բրնձի քացախ – 50 մլ
- Սոյայի սոուս – 50 մլ
- Աղ և պղպեղ – ըստ ճաշակի
Պատրաստման եղանակը
Ուժեղ կրակի վրա տապակել փոքր կտորներով կտրատած հավի փափկամիսը, համեմել և ավելացնել կիսաշրջանաձև կտրատած սոխը: Լապշան 5-7 րոպե թողնել տաք ջրի մեջ, հետո սառը ջրով լվանալ: Բարակ շերտերով կտրատել պղպեղը, քերիչով անցկացնել գազարը, եփել կանաչ լոբին: Շոգեխաշել բանջարեղենը պատրաստ լինի՝ ավելացնելով համեմունքներ և սխտոր: Բոլոր բաղադրիչները խառնել թասիկի մեջ՝ ավելացնելով բրնձի քացախ ու սոյայի սոուս: Կարելի է մատուցել թե՛ տաք, թե՛ սառը վիճակում: Բարի ախորժակ։
