ԵՐԵՎԱՆ, 21 մայիսի./Նովոստի-Արմենիա/. Գարունը վերջապես հայաստանցիներին պարգևեց երկար սպասված ջերմությունն ու արևը։
Վերջապես սկսեց վաճառվել թարմ գարնանային բանջարեղենը, միրգն ու հատապտուղը: Եվ իհարկե, «սեզոնի առաջատարն» այսօր ելակն է:
Առաջարկում ենք ելակով երեք համեղ և պարզ բաղադրատոմս, որոնք կարող եք պատրաստել առանց ավելորդ ժամանակ ծախսելու:
Պաղպաղակով և ելակով կաթնային կոկտեյլ
Թեթև, գարնանային բաղադրատոմս է առաջարկում zefira.net–ը։
Բաղադրիչներ
- Ելակ – 1 բաժակ
- Պաղպաղակ – 150 գր.
- Կաթ – 300մլ.
Պատրաստման եղանակը
Կտրատված ելակն ու պաղպաղակը տեղափոխել բաժակի մեջ և մանրացնել բլենդերով: Ավելացնել կաթը և հարել ևս մի քանի րոպե: Պատրաստի կոկտեյլը լցնել բաժակների մեջ, ցանկության դեպքում զարդարել անանուխի թերթիկներով և ելակի կտորներով:
Ելակով պաննակոտա
Բուրավետ ելակով դեսերտ Eda.ru-ից:
Բաղադրիչներ՝
- Սերուցք (20%-անոց) – 200 մլ.
- Ելակ – 200 գր.
- Ժելատին – 1 հատ
- Շաքարավազ – 100 գր.
Պատրաստման եղանակը
Ժեշատինը թրջել ինչպես նշված է տուփի վրա: Կաթսայի մեջ խառնել սերուցքը, շաքարավազը և 100 մլ ջուր, եփել մարմանդ կրակի վրա 15 րոպե՝ անդադար խառնելով: Հետո ավելացնել արդեն ծավալով մեծացած ժելատինը, բայց չեռացնել: Ստացված զանգվածը լցնել հատուկ կաղապարների մեջ և գիշերը թողնել սառնարանում: Արդեն սառած ժելեն կաղապարների հետ միասին մի քանի վայրկյանով իջեցնել տաք ջրի մեջ, հանել ստացված պաննակոտան և զարդարել ելակի սոուսով, որը պատրաստելու համար պետք է հարիչով մարնացված ելակը խառնել շաքարավազի կամ շաքարափոշու հետ:
Ելակով, անանուխով և թարխունով լիմոնադ
eda.ru-ի հետ միասին փորձում ենք առույգացնող ելակով ըմպելիք
Բաղադրիչներ
- Թարխուն – ըստ ճաշակի
- Ջուր – 1 լիտր
- Կիտրոն – ½ հատ
- Լայմ – ½ հատ
- Թարմ անանուխ – ըստ ճաշակի
- Ելակ – 6 հատ
- Շաքարավազ – ըստ ճաշակի
- Սառույց – ըստ ճաշակի
Պատրաստման եղանակը Կիտրոնի և լայմի հյութը քամել գրաֆինի մեջ՝ ավելացնելով ելակը, ցիտրուսների քերած կեղևը, անանուխը և թարխունը: Ավելացնել շաքարավազը, կիսով չափ տաք ջուր լցնել և թողնել մի քանի րոպե: Հետո ավելացնել սառը ջուր, խառնել և ավելացնել սառույց:
Բարի ախորժակ
