ԵՐԵՎԱՆ, 9 հունիսի./Նովոստի-Արմենիա/. Ընկուզեղենն օգտակար ճարպերի, բուսական սպիտակուցի և վիտամինների մի իսկական պահոց է, այն կարող է ապահովել էներգիայով մի քանի ժամ շարունակ։ Չնայած օգտակար հատկությունների առատությանն, ընկուզեղենը բավականին կալորիական է։ Այն կարող է վնասել կազմվածքին միայն շատ օգտագործելու դեպքում։
Դիետոլոգներն ու սննդաբանները միաձայն խորհուրդ են տալիս մի բուռ ընկույզ ներառել ամենօրյա սննդակարգի մեջ։ Մի կարևոր ճշտում. յուղի մեջ տապակած, աղի կամ քաղցր ընկույզները, որոնք վաղուց թեթև խորտիկ են դարձել, տանում են ուղիղ դեպի ավելորդ քաշի և այտուցների առաջացում։ Ընկույզներն օգտակար հատկությունները պահպանում են միայն հում կամ խոնավ վիճակում կամ ջեռոցում տապակած՝ առանց յուղի, աղի և այլ հավելումների։ Հիշեք, որ ցանկացած ընկույզ բարձր կալորիականություն ունի, այդ պատճառով մեկ օրվա ընթացքում ամենաշատը կարելի է մի բուռ ուտել։ Harper's Bazaar-ը պատմել է այն ընկույզների մասին, որոնցում օգտակար հատկությունները համադրվում են համեմատաբար ցածր կալորիականության հետ։
Հնդկական ընկույզ
Այս փոքր, քաղցր ընկույզները հիանալի հավելում կլինեն ձեր սննդակարգին, նույնիսկ եթե ուզում եք նիհարել: Ընկույզը պարունակում է բուսական սպիտակուցի, օգտակար ճարպերի, ամինաթթուների, վիտամինների և հանքանյութերի ռեկորդային քանակ: Հնդկական ընկույզն օգնում է ամրապնդել իմունային համակարգը և նպաստում է սրտանոթային համակարգի աշխատանքի կարգավորմանը: Օգտագործեք մի բուռ ընկույզ որպես խորտիկ հիմնական կերակուրների միջև կամ ավելացրեք աղցանների մեջ (դա կավելացնի ուտեստի սննդային արժեքը, իսկ հագեցվածության զգացումը կպահպանվի երկար ժամանակ):
Պիստակ
Նույնպես օգտակար նյութերով հարուստ ընկույզ է: Այս ընկույզներում երկաթի բարձր պարունակությունը նպաստում է էրիթրոցիտների (արյան կարմիր գնդիկների, որոնք օրգանիզմում տեղափոխում են թթվածինն ու սննդանյութերը) արտադրմանը, ինչի շնորհիվ պիստակը դառնում է էներգիայի հիանալի աղբյուր: Բացի այդ, պիստակի կանոնավոր օգտագործումը օգնում է կարգավորել խոլեստերինի մակարդակը: Սրան գումարեք բուսական սպիտակուցների և օմեգա-3 թթուների բարձր պարունակությունը և ահա իդեալական մթերք: Ի դեպ, բոլորիս սիրելի աղի պիստակներն այն չեն, ինչ պետք է գնել: Նման ընկույզներում աղի և կոնսերվանտների առատությունը վերացնում է պիստակի բոլոր օգտակար հատկությունները:
Նուշ
Ահա օգտակար հատկությունների քանակով իսկական ռեկորդակիրը: Մի բուռ նուշը պարունակում է սպիտակուցի ամենօրյա նորմայի 1/8 մասը, ինչի շնորհիվ նուշը դառնում է անփոխարինելի է հատկապես նրանց համար, ովքեր հետևում են բուսական սննդակարգի: Նուշի կանոնավոր օգտագործումը օգնում է բարելավել սրտանոթային համակարգը և վերահսկել խոլեստերինի մակարդակը: Վիտամին E- ի բարձր պարունակության շնորհիվ այս ընկույզը դառնում է անփոխարինելի հարթ և շողացող մաշկ ունենալու համար: Նուշը նաև բարելավում է կոգնիտիվ ֆունկցիան, խթանում ուղեղի աշխատանքը, բարելավում հիշողությունը։ Կարելի է անվերջ թվարկել նուշի օգտակար հատկությունները: Այս ընկույզն ունիվերսալ մթերք է ուտեստ պատրաստելու համար, այն կարելի է ավելացնել գրեթե ամեն ինչ մեջ`աղցաններից և տաք ուտեստներից մինչև աղանդերներ: Պարզապես պետք է համոզվել, որ ընկույզը տեղավորվում է կալորիաների օրական նորմայի մեջ:-0-
