ԵՐԵՎԱՆ, 11 հունիսի./Նովոստի–Արմենիա/. Ջուրը ճիշտ սննդակարգի ու կատարյալ կազմվածքի հասնելու անբաժանելի մասն է։ Լրացուցիչ արդյունքի կարելի է հասնել հատուկ դետոքս–ջրի օգտագործման շնորհիվ, որը կարելի է պատրաստել տանը։ Harper's Bazaar–ը ներկայացնում է դետոքս–ջրի 4 բաղադրատոմս։
Կիտրոնով վարունգ
- ½ վարունգ
- 1 կիտրոն
- անանուխի թերթիկներ
- ջուր
Խմեք հյութն առավոտյան։ Կիտրոնի հյութն օգնում է գործի դնել նյութափոխանակության համակարգը և դրական է ազդում մաշկի վրա։
Ռեհանով ելակ
- 10 հատ թարմ կամ սառեցված ելակ
- 2 կտոր կիտրոն
- ½ կիտրոնի թարմ քամած հյութ
- մի բուռ թարմ ռեհան
- ջուր
Ելակը պարունակում է մեծ քանակությամբ հակաօքսիդանտներ, կալիում, C վիտամին, ռեհանն իր հերթին ունի հակաբորբոքային և հակաբակտերիալ ազդեցություն։
Անանուխով կոճապղպեղ
- 1 վարունգ
- կոճապղպեղի թարմ արմատ
- 2 կիտրոն
- անանուխի թարմ տերևներ
- հիմալայան աղ
- ջուր
Կոճապղպեղն օգնում է ոչ միայն մրսածության, այլև ստամոքսի խանգարման ժամանակ։
Մանգո և արքայախնձոր
- արքայախնձոր
- մանգո
- մի քանի կտոր կիտրոն
- ջուր
Արքայախնձորը պարունակում է բրոմելային, որը հակաբորբոքային ֆերմենտ է։ Մանգոն օգնում է բարելավել նյութափոխանակությունն ու կանխել փքվածությունը։–0–
