ԵՐԵՎԱՆ, 22 հունիիս./Նովոստի–Արմենիա/. Ամռան, հատկապես արձակուրդի թեժ սեզոնին, ճիշտ ժամանակն է կազմակերպել պիկնիկ բնության գրկում։ Պատրաստեք սառը թեյ, Elle ամսագրի բաղադրատոմսերով թեթև սենդվիչներ, վերցրեք ծածկոց ու գնացեք մոտակա այգի` արևի ջերմ շողերը վայելու։
Սենդվիչ պանրով, վարունգով և ձիթապտղով
Բաղադրիչներ
- կաթնաշոռային պանիր ծովախեցգետնով
- թարմ վարունգ
- ձիթապտուղ
- ֆրանսիական բագետ
- մաղադանոս
Պատրաստման եղանակ
Կտրել վարունգը, ձեռքով մանրացնել մաղադանոսը։ Կտրել ֆրանսիական բագետը մոտ 2–3 սմ հաստությամբ։ Հացի կտորների վրա քսել կաթնաշոռային պանիրը, վրան դնել թարմ վարունգի կտորները, ձիթապտուղն ու մանրացված մաղադանոսը։
Սենդվիչ ավոկադոյով, կոկոսով և ընկույզով
Բաղադրիչներ
- ֆրանսիական բագետ
- կաթնաշոռային սերուցքային պանիր
- ավոկադո
- կոկոսի կտորներ կամ կոկոսի շերտիկներ
- մանրացված ընկույզ
Պատրաստման եղանակ
Կտրատել ավոկադոն։ Կտրել ֆրանսիական բագետը մոտ 2–3 սմ հաստությամբ։ Հացի կտորների վրա քսել կաթնաշոռային սերուցքային պանիրը, վրան դնել ավոկադոյի կտորները, ավելացնել մանրացված ընկույզն ու կոկոսը։
Սենդվիչ լոլիկով և հազարով
Բաղադրիչներ
- ֆրանսիական բագետ
- հազար (մառոլ)
- կաթնաշոռային պանիր վարունգով և կանաչեղենով
- թարմ լոլիկ
- խաշած ձու
Պատրաստման եղանակ
Կտրատել լոլիկը, հազարը ձեռքով բաժանել մանր կտորների։ Ֆրանսիական բագետի վրա քսել կաթնաշոռային պանիրը, վրան դնել հազարը, լոլիկն ու կլորակներով կտրատած ձուն։
Սենդվիչ պանրով, սնկով և նեխուրով
Բաղադրիչներ
- ֆրանսիական բագետ
- կաթնաշոռային պանիր սնկով
- թարմ նեխուր
- թարմ պղպեղ
- հազարի թերթիկ` ձևավորման համար
Պատրաստման եղանակ
Նեխուրը կտրատել կլորակներով, իսկ պղպեղը` երկար–երկար։ Կտրել ֆրանսիական բագետը մոտ 2–3 սմ հաստությամբ։ Կտորների վրա քսել կաթնաշոռային պանիրը, վրան ավելացնել նեխուրը, պղպեղն ու հազարի թերթիկը։
Սենդվիչ շոկոլադե պանրով և թարմ հատապտուղներով
Բաղադրիչներ
- ֆրանսիական բագետ կամ հաց
- կաթնաշոռային շոկոլադե պանիր
- ընկույզ
- թարմ հատապտուղ` ելակ, մոշ, ազնվամորի, հապալաս
Պատրաստման եղանակ
Կտրել ֆրանսիական բագետը կամ հացը մոտ 2–3 սմ հաստությամբ։ Հացի վրա քսել կաթնաշոռային շոկոլադե պանիրը, վրան ավելացնել թարմ հատապտուղն ու ընկույզը։ Զարդարելու համար կարելի է օգտագործել քերած մուգ շոկոլադ կամ անանուխի թերթիկներ։
Բարի ախորժակ և արևառատ օրեր
