Համեղագույն սուրճով պաղպաղակ. կթարմացնի ամառային շոգ օրերին

ԵՐԵՎԱՆ, 29 հունիսի./Նովոստի–Արմենիա/. Համեղ, նուրբ և անուշաբույր սուրճով պաղպաղակը լավագույն լուծումն է ամառային շոգ օրերին։ Սուրճի սիրահարներն իսկապես կգնահատեն Food&Wine–ի առաջարկած այս բաղադրատոմսը։

Եվ այսպես

Բաղադրիչներ

• բանան – 4 հատ
• սառը էսպրեսո – 4 շոթ
• կակաո – 2 ճաշի գդալ
• թխկու մրգահյութ (սիրոպ) – 4 ճաշի գդալ
• շոկոլադի փշրված կտորներ և սերուցք` զարդարելու համար

Պատրաստման եղանակ

1. Խառնել բոլոր բաղադրիչներն ու մանրացնել բլենդերում մինչև միատարր զանգված դառնալը
2. Ստացված խառնուրդը լցնել սուրճի բաժակների մեջ և մի քանի ժամով դնել սառցախցիկը
3. Պատրաստի պաղպաղակի վրա լցնել շոկոլադի փշրանքն ու զարդարել սերուցքով

Վայելեք...