ԵՐԵՎԱՆ, 30 հունիսի./Նովոստի-Արմենիա/. Մենք սովորել ենք ամռան տապից փրկվել ջրի և այլ սառը ըմպելիքների միջոցով, սակայն այդ կարևոր առաքելությունը կարող են իրականացնել նաև որոշ մթերքներ։ Ներկայացնում ենք Elle-ի առաջարկած զովացուցիչ մթերքների ցանկը։
Անանուխ
Անանուխի եթերայուղը ամենալավ յուղերից մեկն է շոգերի ժամանակ. այն հովացնում է «մարսողական կրակը»։ Անանուխն ունակ է հովացնել օրգանիզմը։ Անանուխի թարմ տերևները կարելի է ավելացնել բնական լիմոնադի կամ թարմ մրգային աղցանի մեջ։
Վարունգ
Թարմ վարունգը հագեցնում է ծարավը և զովացնում։ Այն հանդես է գալիս որպես հակաօքսիդանտ, հատկապես եթե հայտնվում է օրգանիզմում տապակած մթերքների հետ միասին։ Դիետոլոգները խորհուրդ են տալիս շոգ եղանակին պատրաստել լիմոնադ ջրով, վարունգի և կիտրոնի կտորներով։ Այն կզովացնի և ակնթարթորեն կհագեցնի ծարավը։
Դդմիկ
Դդմիկը, հատկապես՝ մատղաշ, կարելի է առանց չափազանցնելու անվանել բնական դեղամիջոց։ Նրանց միջուկը պարունակում է ոչ միայն սպիտակուցներ և ածխաջրեր, այլև կարոտին, ասկորբինաթթու, B խմբի վիտամիններ, պեկտիններ, մագնեզիումի, կալիումի, կալցիումի և երկաթի հանքային աղեր: Տապի ժամանկ նրանք լրացնում են միկրոտարրերի կազմը, ինչպես նաև արագորեն մարսվում են ջրի բարձր պարունակության շնորհիվ:
Ծնեբեկ
Ծնեբեկը հիանալի մթերք է ամռան տապին նվազագույն կալորիականության և բջջանյութի բարձր պարունակության շնորհիվ։ Այն թեթևացնում է սննդակարգը և բեռնաթափում օրգանիզմը:
Կիվի
Կախված սորտից՝ կիվին կարող է կշռել 50-ից 150 գրամ, որի մեծ մասը ջուր է (մոտ 84%): Բացի այդ, միրգը հայտնի է վիտամին C- ի բարձր պարունակությամբ, այդ պատճառով ֆրանսիացի կանայք այն համարում են գլխավոր մթերքը մաշկի գեղեցկության համար: Տաք եղանակին կիվին հիանալի կերպով վերականգնում է ջրի բալանսը և ավելացնում դիմադրողականությունն ուլտրամանուշակագույն ճառագայթների նկատմամբ:
Կոկոսի ջուր
Կոկոսի ջուրը հրաշք ըմպելիք է, որը լրացնում է օրգանիզմի ջրային բալանսը։ Այն թարմացնում է և պարունակում է առողջ ածխաջրեր, էլեկտրոլիտներ և հանքանյութեր, որոնք պահվում են բնական վիճակում և ամենաստերիլ պայմաններում: Սա բնական իզոտոնիկ ըմպելիք է, որում էլեկտրոլիտների մակարդակը նույնն է, ինչ մարդու օրգանիզմում: Մատղաշ կոկոսից ստացված ջուրն ամենաօգտակարն է:
Լայմ
Վիտամին C- ի բարձր պարունակության շնորհիվ լայմն անփոխարինելի է դիետիկ և բուժական սննդի մեջ, քանի որ ասկորբինաթթուն չեզոքացնում է վնասակար խոլեստերինը, հալեցնում է ճարպերը և դուրս հանում դրանք մարմնից, ամրապնդում է իմունային համակարգը և արագացնում առողջացումը մրսածության ժամանակ: Լայմով պատրաստված զովացուցիչ ըմպելիքները օգնում են լրացնել միկրոէլեմենտների և ջրի բալանսը:
Ձմերուկ
Ձմերուկի 92%–ով բաղկացած է ջրից: Այն դյուրամարս սախարոզի և ֆրուկտոզի, պեկտինների, օրգանական տարրերի և թթուների, ինչպես նաև վիտամինների աղբյուր է: Ձմերուկն ունի միզամուղ, խոլերետիկ, հակաբորբոքային, ջերմիջեցնող, լուծողական և վերականգնողական հատկություններ: Կարգավորում է նյութափոխանակությունը, ուժեղացնում է աղիքային կծկումները:
Թրթնջուկ (щавель )
Ամառանոցային կանաչեղենի սեզոնում առողջ սննդի մասնագետները խորհուրդ են տալիս շատ թրթնջուկ ուտել, քանի որ այս տերևավոր բանջարեղենի օգտագործումը դրական է ազդում սրտի և անոթների աշխատանքի վրա, դրանք այն օրգաններն են, որոնք ամենաշատն են տուժում շոգից: Բժիշկների խոսքով, թրթնջուկը պաշտպանում է անոթները վտանգավոր խոլեստերինի կուտակումներից:
Կանաչ հնդկաձավար
Տապի ժամանակ շատ մարդիկ վատ են քնում, այդ իսկ պատճառով դիետլոգները խորհուրդ են տալիս օգտագործել կանաչ հնդկաձավար: Երկաթի բարձր պարունակության շնորհիվ այն ամրացնում է նյարդային համակարգը, ինչը բարենպաստ է ազդում քնի և էմոցիոնալ վիճակի վրա:–0–
