ԵՐԵՎԱՆ, 1 հուլիսի./Նովոստի–Արմենիա/. Ամռանը, երբ սեզոնային մրգերի, բանջարեղենի ու կանաչեղենի առատություն է, պետք է դրանք ավելացնել սննդակարգում որքան հնարավոր է շատ։
Food&Wine-ն առաջարկում է երեք ճաշատեսակ սեզոնային մթերքներով Wonder–ից։
Կաթնաշոռային ջեռեփուկ կեռասով
Բաղադրիչներ
- անյուղ կաթնաշոռ – 350գր
- կեռաս – 300գր
- շաքարավազ – 2 ճաշի գդալ
- ձու – 2 հատ
- մի փոքր մանրաձավարի փոշի
Պատրաստման եղանակ
Տաքացնել ջեռոցը մինչև 200 աստիճան։ Առանձնացնել ձվի դեղնուցը սպիտակուցից և բլենդերով հարել կաթնաշոռը, դեղնուցն ու շաքարավազը։ Առանձին հարել սպիտակուցը մինչև պինդ փրփուր դառնալը, իսկ հետո ավելացնել կաթնաշոռի ու դեղնուցի զանգվածին։
Կեռասից հեռացնել կորիզները։ Թխելու ֆորմաների վրա ցանել մանրաձավարի փոշին, դնել կեռասն ու վրան լցնել կաթնաշոռի խառնուրդը։ Թխել մինչև ոսկեգույն կեղև դառնալը` մոտ 25 րոպե։
Տապակած ծիրանով աղցան
Բաղադրիչներ
- ծիրան – 8 հատ
- ձիթապտղի ձեթ
- մի քանի ճյուղ ծոթոր
- աղցանի տերևներ` հազարի նման – 2 մեծ կապ
- պրոշուտո կամ խամոն – 4 կտոր
- մոցարելա – 125գր
- կիտրոն – 1 հատ
- կարմիր սոխ – ½ հատ
- սպիտակ գինու քացախ – 2 ճաշի գդալ
- աղ, բիբար, վարդագույն գնդիկավոր պղպեղ
Պատրաստման եղանակ
Տաքացնել տապակը։ Երկու մասի կիսել ծիրանը, հանել կորիզը, դնել թասիկի մեջ։ Ավելացնել մեկ գդալ ձիթապտղի ձեթ ու ծոթոր, լավ խառնել։ Ծիրանը դնել տապակի մեջ ու տապակել 5–6 րոպե։
Ափսեի մեջ լցնել երկու ճաշի գդալ քացախ ու ձիթապտղի ձեթ, ցանել վարդագույն պղպեղը` փշրելով այն մատներով։ Ավելացնել հազարը, աղ ու պղպեղ անել, խառնել։ Ավելացնել պրոշուտոյի կամ խամոնի կտորները` յուրաքանչյուրը կիսելով մի քանի մասի։
Մոցարելայի գնդիկը կիսել մի քանի մասի կամ վերցնել փոքր գնդիկներ ու ավելացնել աղցանի մեջ։ Այնուհետև դնել ծիրանը, ցանել ծոթորն ու ավելացնել ձիթապտղի ձեթը։
Սպանախից բլիթներ
Բաղադրիչներ
- սպանախ – 100գր
- կաթ – 300մլ
- ձու – 1 հատ
- շաքարավազ – 40գր
- ալյուր – 200գր
- աղ – ½ թեյի գդալ
- փխրեցուցիչ – 10գր
- բուսայուղ – 50մլ
- եռման ջուր – 150մլ
Պատրաստման եղանակ
Սպանախը մանրացնել բլենդերում մինչև միատարր զանգված դառնալը։ Կարելի է ավելացնել մի փոքր ջուր։
Ձուն մի փոքր հարել շաքարավազի և աղի հետ, ավելացնել գոլ կաթն ու լավ խառնել։ Ալյուրը խառնել փխրեցուցիչի հետ, ավելացնել կաթնային խառնուրդ վրա` միաժամանակ խառնելով։ Այնուհետև ավելացնել սպանախը, բուսայուղն ու եռման ջուրը, խառնել։ Բլիթները տապակել։Բարի ախորժակ։–0–
