ԵՐԵՎԱՆ, 5 հուլիսի./Նովոստի-Արմենիա/. Կանաչ ռեհանի տերևներն ունեն վառ արտահայտված բույր, բայց ուտեստների մեջ չեն խանգարում այլ բացադրիչների համին՝ ներդաշնակորեն համադրվելով դրանց հետ: Vogue –ը ներկայացրել է 5 բաղադրատոմս, որոնցում կանաչ ռեհանը առանցքային բաղադրիչ է:
Ռեհանով հումուս
Բաղադրիչներ
- կանաչ ռեհանի տերևներ – 100գր
- չոր սիսեռ – 100գր
- չորացված լոլիկ – 50գր
- սխտոր – 3 կտոր
- կիտրոնի հյութ – 4 ճաշի գդալ
- թահին – 3 ճալի գդալ
- մայրու ընկույզ – 2 ճաշի գդալ
- ձիթայուղ – 3 ճաշի գդալ
- տաբասկո – 3 կաթիլ
- աղ՝ ըստ ճաշակի
Պատրաստման եղանակը
Սիսեռը թրջել և թողնել մեկ գիշեր, եփել մարմանդ կրակի վրա, մինչև հատիկները փափկեն (մոտ 45 րոպե): Ջուրը լցնել բաժակի մեջ (այն կարելի է ավելացնել՝ թանձրությունը կառավարելու համար) և սիսեռը տեղափոխել հարիչի մեջ: Սիսեռի վրա ավելացնել կանաչ ռեհանը, սխտորը, ընկույզը, կիտրոնի հյութը, ձիթապտղի ձեթը, տաբասկո սոուսը և աղ: Հարել մինչև միասեռ զանգված ստանալը: Հետո ավելացնել կտրատած լոլիկը և ևս մեկ անգամ հարել:
Մատուցում
Մատուցել տաք պիտա հացով՝ զարդարելով կանաչ ռեհանի տերևներով, մայրու ընկույզներով և ձիթապտղի ձեթի մեջ թաթախված չորացված լոլիկով:
Խյուս–ապուր դդմիկով և ռեհանով
Բաղադրիչներ՝
- կանաչ ռեհան – 100գր
- նեխուրի ցողուններ – 150գր
- կանախ սոխ (պրաս) – 200գր
- մատղաշ դդմիկ – 500գր
- սխտոր – 3 պճեղ
- ձիթայուղ – 2 ճաշի գդալ
- կիտրոն – մեկ քառորդ
- ջուր կամ բանջարեղենային արգանակ – 1 լիտր
- ծովի աղ, սպիտակ պղպեղ՝ ըստ ճաշակի
Պատրաստման եղանակը
Կտրատված սոխն ու նեխուրի ցողունները շոգեխաշել մինչև փափկելը: Ավելացնել խորանարդաձև կտրատած դդմիկը, տաքացնել և վրան ջուր ավելացնել: Եփել մարմանդ կրակի վրա 10 րոպե: Վերցնել կրակից, ավելացնել կանաչ ռեհանի տերևներ, սխտոր, կիտրոնի հյութ, աղ, պղպեղ և բլենդերով հարել:
Ելակով կապրեզե
Բաղադրիչներ
- կանաչ ռեհան – 50գր
- ելակ – 125 գր
- մոցարելա – 125գր
- կեշյու ընկույզ – 25գր
- բալզամիկ սոուս, ձիթայուղ, սպիտակ պղպեղ, կիտրոնի կեղև՝ ըստ ճաշակի
Պատրաստման եղանակը
Կանաչ ռեհանի տերևներն առանձնացնել ցողուններից, ելակը մեջտեղից կիսել և ամանի մեջ շարել մոցարելայի գնդիկների հետ միասին: Համեմել բալզամիկ սոուսի, ձիթայուղի և կիտրոնի կեղևի խառնուրդով, ավելացնել մի փոքր կարմրեցված ընկույզ:
Մատուցում
Եթե սոուսին ավելացնել մեղր, ապա կստացվի ավելի աղանդերային տարբերակ:
Ռեհանով և ռոզեով սորբե
Բաղադրիչներ
- կանաչ ռեհան – 40գր
- ռոզե – 200մլ
- ձվի սպիտակուց – 4 հատ
- կիտրոն – 1 հատ
- շագանակագույն շաքարավազ – 70գր
Պատրաստման եղանակ
Գինին, շաքարավազն ու կիտրոնի կեղևը եռացնել ու թողնել, որ սառչի։ Սպիտակուցները հարել մինչև փրփրի։ Բլենդերում մանրացնել ռեհանի տերևները, կիտրոնի հյութն ու մնացած մրգահյութը` դարձնելով միատարր զանգված։ Ավելացնել հարած սպիտակուցին և արագ խառնել։ Ստացված զանգվածը դնել սառցախցիկը` պարբերաբար խառնելով։
Մատուցում
Մատուցել պաղպաղակի համար նախատեսված ամանների մեջ` ելակով կամ արքայամորիով ու ռեհանի տերևով։
Ռեհանով պանակոտա
Բաղադրիչներ
- կանաչ ռեհան – 50գր
- 33% յուղայնությամբ սերուցք – 250մլ
- կաթ – 125մլ
- շագանակագույն շաքարավազ – 50գր
- ժելատինի բլիստեր – 8գր
Պատրաստման եղանակ
Ժելատինի վրա լցնել սառցե ջուր։ Սերուցքը, կաթը, շաքարավազը, ռեհանի տերևները եռացնել մարմանդ կրակի վրա և թրմել 30 րոպե։ Խառնուրդը հարել բլենդերում, անցկացնել մաղի միջով և կրկին դնել կրակի վրա։ Ժելատինը քամել ու ավելացնել խառնուրդին` լավ խառնելով։ Լցնել ֆորմաների մեջ և դնել սառնարանը։ Սառելուց հետո մի վայրկյանով մտցնել տաք ջրի մեջ ու շուռ տալ աղանդերը տափակ ափսեի մեջ։
Մատուցում
Զարդարել սիրելի հատապտուղներով և ռեհանի չիփսերով (ռեհանի տերևները դնել ֆրի պատրաստող սարքի մեջ, չորացնել թղթե սրբիչի վրա ու թաթախել շաքարի փոշու մեջ)։
Բարի ախորժակ
