ԵՐԵՎԱՆ, 7 հուլիսի./Նովոստի–Արմենիա/. Պաստան ու մեկ բաժակ կարմիր գինին հիանալի ընտրություն են համեղ ընթրիքի համար։ Շեֆ խոհարար Ռուսլան Զաքիրովը ներկայացրել է պանրով ու բրոկկոլիով պաստայի պարզ բաղադրատոմս, գրում է GRAZIA ամսագիրը։
Բաղադրիչներ
- 70 գրամ պաստա
- 80 գրամ բրոկկոլի
- 15 գրամ սերուցքային կարագ
- 10մլ բուսայուղ
- 100 մլ հավի արգանակ
- 15 գրամ պեստո սոուս
- 5 գրամ մայրու ընկույզ
- 40 գրամ գորգոնձոլա պանիր
- 1 թեյի գդալ քերած պարմեզան
Պատրաստման եղանակ
Բրոկկոլին բաժանել մանր կտորների և տապակել բուսայուղի մեջ։ Այնուհետև ավելացնել հավի արգանակը, գորգոնձոլա պանիրը, սերուցքային կարագը, պեստո սոուսն ու մայրու ընկույզը։ Եփել մինչև դառնա թանձր սոուս։
Չմոռանաք նախօրոք պատրաստել մակարոնը, բայց թող այն մի փոքր հում լինի։
Այնուհետև պաստան պետք է ավելացնել բրոկկոլիի վրա, եփել 4–5 րոպե։ Եթե պաստան չոր լինի, ավելացնել արգանակ։
Մատուցելիս պաստայի վրա ցանել քերած պարմեզան։ Բարի ախորժակ
