ԵՐԵՎԱՆ, 8 հուլիսի./Նովոստի-Արմենիա/. Ներկայացնում ենք առանձնահատուկ, անուշաբույր և համեղ ոչ ալկոհոլային կոկտեյլներ, որոնք կդառնան երեկույթների կամ ընկերների շրջապատում կազմակերպվող հանգիստ հավաքույթների անբաժան մասը: Сегодня lifestyle թերթի գնահատմամբ, այս 3 բաղադրատոմսերը հասանելի են բոլորին:
Նարնջի և նռան կոկտեյլ
- 1 լ ջուր
- 1 նարինջ
- 2 բուռ նռան հատիկ
- անանուխ
Պատրաստման եղանակը
Շրջանաձև կտրատել նարինջը և ավելացնել նախապես ջրով լցված կուժի մեջ: Ավելացնել նաև անանուխը և նռան հատիկները: Լավ խառնել և թողնել ամենաքիչը մեկ ժամ: Պատրաստի կոկտեյլը մատուցել սառույցով:
Մրգային պունշ և գազավորված ջուր
- կիվի
- ելակ
- մանգո
- պահածոյացված արքայախնձոր
- շաքարավազ
- գազավորված ջուր
- սառեցված մրգահյութ
Պատրաստման եղանակը
Բոլոր մրգերը կտրատել և մանրացնել բլենդերի մեջ մինչև խյուս դառնա: Լցնել բաժակների մեջ 1/3-ի չափով: Նույնքան սառը ջուր ավելացնել, իսկ հետո մինչև բաժակի ծայրը մրգահյութ լցնել: Պատրաստ է:
Բալի կոկտեյլ
Այս ըմպելիքը հիանալի տարբերակ է բալի սիրահարների համար
- 1,5 լ ջուր
- 6 ճաշի գդալ շաքարավազ
- անանուխի տերևներ
- 200 գ բալ
Պատրաստման եղանակը
Ջրով լի կաթսայի մեջ շաքարավազ և մի քանի հատ անանուխի տերևներ ավելացնել, եռացնել: Բալը կորիզահան անել, հատապտուղների կեսը ավելացնել եռացող օշարակի մեջ և եփել 3 րոպե: Անջատել սալօջախը և թողնել օշարակը սառչի: Կիտրոնն անհրաժեշտ է եռման ջրով անցկացնել և կիսել երկու մասի: Երբ օշարակը սառչի, ավելացնել մնացած բալը, քամել կիտրոնի մի կեսի հյութը և պատրաստի ըմպելիքը տեղափոխել սառնարանը 2 ժամով: Բալի լիմոնադը մատուցելուց առաջ պետք է անցկացնել քամիչով: Կիտրոնի մյուս կեսը շրջանաձև կտրատել, լիմոնադը լցնել բաժակների մեջ և զարդարել կիտրոնով:-0-
