ԵՐԵՎԱՆ, 20 հուլիսի. /Նովոստի-Արմենիա/. Հասարակ և արագ պատրաստվող դդմիկով բաղադրատոմսեր մեծ ընտանիքի ընթրիքի համար։ Դդմիկն ունիվերսալ բանջարեղեն, որից կարելի է պատրաստել ապուր, խավարտ և նախուտեստ։ Բացի այդ, դդմիկը ճիշտ պատրաստելու դեպքում չի վնասի կազմվածքին։
Ներկայացնում ենք դդմիկի միջուկով 3 ամենաօգտակար ուտեստը ուկրաինական Lifestyle 24 պորտալի կողմից։
Դդմիկով կրեմ-ապուր
Բաղադրիչներ
- դդմիկ – 1 հատ
- կարմիր սոխ – 1 հատ
- մեծ կարտոֆիլ – 1 հատ
- միջին չափի գազար – 1 հատ
- տաքդեղ – 1 հատ
- լոլիկ – 1 հատ (մատուցման համար)
- թթվասեր 20% – 1 ճաշի գդալ
- ջուր – 700 գ
- մաղադանոս, սամիթ, նեխուրի ցողուն (կամ ուրիշ կանաչու)
- սխտոր – 1-2 պճեղ
Պատրաստման եղանակը
Սոխն ու սխտորը մանր կտրատել և խաշել թավայի մեջ։ Բացի լոլիկից, բոլոր բանջարեղենները խորանարդիկներով կտրատել, լցնել թավայի մեջ և խաշել ևս 5 րոպե։ Խառնուրդը լցնել կաթսայի մեջ, ավելացնել ջուրը, կանաչին և եփել մոտ 15 րոպե։ Հետո վերցնել կրակից, մեջից հանել կանաչու մեծ ճյուղերը և մանրացնել ապուրը բլենդերի մեջ մինչև խյուս ստանալը։ Կաթսան կրկին դնել կրակի վրա, ավելացնել 1 ճաշի գդալ թթվասեր և եռացնել ապուրը։ Պատրաստ է։
Դդմիկից կոտլետներ
Բաղադրիչներ.
- դդմիկ - 300 գ
- պինդ պանիր - 50 գ
- ձու - 1 հատ
- պաքսիմատ – 2 ճաշի գդալ
- ալյուր - 2 ճաշի գդալ
- կանաչի և թթվասեր մատուցելու համար
Պատրաստման եղանակը
Պետք է մաքրել դդմիկի կեղևը և կորիզները։ Քերել, լցնել թասիկի մեջ։ Ավելացնել քերած պանիրը, պաքսիմատը, ձուն և աղը։ Խառնել, մինչև համասեռ զանգված ստանալը։ Ավելացնել ալյուրը և ևս մի անգամ խառնել։ Կոտլետներ ձևավորել՝ նախապես թրջելով ձեռքերը։ Դնել թավայի մեջ և երկու կողմից տապակել բուսայուղով։ Կարելի է մատուցել՝ զարդարելով կանաչիով և թթվասերով։
Դդմիկով յուղաբլիթներ
Բաղադրիչներ.
- դդմիկ - 800 գր
- սոխ - 2 հատ
- ձու - 2 հատ
- 1 թեյի գդալ փխրեցուցիչ
- կես բաժակ ալյուր
- մի փունջ կանաչի (սամիթ, մաղադանոս)
Պատրաստման եղանակը
Հեռացնել դդմիկի կեղևը և կորիզները։ Քերել, լցնել թասիկի մեջ։ 10-15 րոպեից թասիկի մեջից թափել առաջացած ջուրը։ Դդմիկով թասիկի մեջ ավելացնել քերած սոխը և մանր կտրատած կանաչին։ Այդ ամենի վրա լցնել հարած ձուն և լավ խառնել։ Ալյուրին ավելացնել մեկ թեյի գդալ խմորի փխրեցուցիչը։ Ստացվածը խառնել և քիչ-քիչ ավելացնել դդմիկների վրա։ Դդմիկից պատրաստված յուղաբլիթները կարելի է մատուցել թթվասերով և սխտորի սոուսով։
Բարի ախորժակ
