ԵՐԵՎԱՆ, 20 հուլիսի./Նովոստի-Արմենիա/. Ներկայացնում ենք բալով և շոկոլադով հիանալի դասական չիզքեյքի բաղադրատոմս՝ ըստ Гастрономъ ամսագրի։
Այն բավականին հեշտ է պատրաստել, իսկ արդյունքում ստացվում է անհավանական համեղ տնական թխվածք։
Բաղադրիչներ
- շոկոլադե կարագով թխվածքաբլիթ – 125գ
- սերուցքային կարագ – 75գ
- առանց կորիզի բալ մրգահյութի մեջ – 450գ
- կաթնաշոռ – 500գ
- շաքարավազ – 0,3 բաժակ
- մուգ շոկոլադ – 200գ
- օսլա – 1,5 ճաշի գդալ
- ձու – 2 հատ
Պատրաստման եղանակը
Սկզբում պետք է բլենդերի մեջ մանրացնել թխվածքաբլիթը և սենյակային ջերմաստիճանի կարագը։ Ստացված խառնուրդը լցնել յուղ քսած թխվածքի ամանի մեջ։ Մատներով սեղմել՝ հարթեցնելով մակերեսը և 30 րոպեով դնել սառնարան։ Շոկոլադը փոքր կտորների բաժանել, դնել թասիկի մեջ և հալեցնել գոլորշու վրա։ Հալեցրած շոկոլադը վերցնել կրակի վրայից և թողնել, որ հովանա։
Հետո պտուղները հատ-հատ թաթախել օսլայի մեջ։ Կաթնաշոռը շաքարավազի հետ խառնել հարիչով։ Շարունակելով հարելը մեկ-մեկ ավելացնել ձվերը։ Հետո զանգվածին ավելացնել հալեցրած շոկոլադը, այնուհետև՝ բալը և զգուշորեն խառնել։ Միջուկը լցնել թխելու ամանի մեջ, թեյի գդալով մակերեսին «ալիքներ» անել։ 50 րոպեով դնել մինչև 180°С տաքացրած ջեռոցի մեջ։ Թողնել, որ հովանա և դնել սառնարանն առնվազն 3 ժամ։
