ԵՐԵՎԱՆ, 21 հուլիսի./Նովոստի-Արմենիա/. Շոկոլադով, հատապտուղներով այս նուրբ աղանդերը կատարյալ տարբերակ է շատ հյուրերի համար։ Ներկայացնում ենք անհավանական քաղցր թխվածք, որը հալվում է բերանում՝ ըստ tele.ru ամսագրի։
Բաղադրիչներ
- ազնվամորի – 300գ
- ալյուր – 1 բաժակ
- ձու – 2 հատ
- թթվասեր – 1 բաժակ
- մաքրած ընկույզ - 1,5 բաժակ
- շաքարավազ - 0,5 բաժակ
- սոդա - 0,5 թեյի գդալ
- սերուցք 30% - 200գ
- շաքարի փոշի – 5 ճաշի գդալ
- մուգ շոկոլադ – 2 սալիկ
- կաթ - 0,5 բաժակ
- բուսայուղ – 2 ճաշի գդալ
Պատրաստման եղանակը
Առանձնացնել սպիտակուցը դեղնուցից, հարիչով հարել սպիտակուցը մինչև փրփուր ստանալը։ Դեղնուցին ավելացնել մանրացրած ընկույզը, շաքարավազը, թթվասերը և սոդան։ Ավելացնել ալյուրը, խառնել։ Զգուշությամբ ավելացնել հարած սպիտակուցը։ Տապակի մեջ յուղ քսել և լցնել պատրաստի խմորը։ Թխել մինչև 180 °С տաքացրած ջեռոցում՝ 45-50 րոպե։ Պատրաստի բիսկվիտը հովացնել, բաժակով շրջանակներ կտրել խմորից։
Սերուցքը խառնել շաքարի փոշու հետ, հարել մինչև կրեմային զանգված ստանալը։ Շոկոլադը հալեցնել գոլորշու վրա, ավելացնել կաթը, թողնել, որ մի քիչ հովանա։ Բիսկվիտի յուրաքանչյուր շրջանակի մի կողմին հարած սերուցք քսել, երկուական բիսկվիտներ իրար կպցնել։ Բիսկվիտային պատրաստուքները շարել սեղանին՝ յուրաքանչյուրը զգուշորեն ծածկելով շոկոլադե ջնարակով։ Ջնարակի հովանալուց հետո թխվածքը զարդարել թարմ ազնվամորիով։-0-
