ԵՐԵՎԱՆ, 28 հուլիսի./Նովոստի-Արմենիա/. Օրգանիզմին անհրաժեշտ վիտամինները և այլ օգտակար նյութերը մենք հիմնականում ստանում ենք ուտելիքից` բանջարեղենից, մրգերից, հացահատիկներից, ընկուզեղենից։ Դրանցից որոշների հատկությունների մասին գիտեն բոլորը, սակայն դրանք կարող են ավելի օգտակար լինել, եթե օգտագործվեն ճիշտ մթերքների հետ համադրությամբ։ Food & Wine-ը ներկայացնում է օրգանիզմի համար մթերքների 5 ամենաօգտակար համադրությունը։
Սպանախ + ավոկադո
Սպանախը շատ վիտամին A և լյուտեին է պարունակում, ինչպես նաև բուսական սպիտակուցներ, երկաթ և բջջանյութ: Ավոկադոն պարունակում է մի շարք օգտակար ճարպեր, կօգնի օրգանիզմին առավելագույնը ստանալ սպանախից և յուրացնել բոլոր օգտակար սննդանյութերը: Սպանախը նաև դասվում է ճարպ այրող մթերքների շարքին, ուստի դրա յուրացման համար պահանջվում է փոխազդեցություն ավոկադոյի մեջ պարունակվող բուսական ճարպերի հետ:
Կանաչ թեյ + կիտրոն
Կանչ թեյը պարունակում է հակաօքսիդանտներ, իսկ կիտրոնի մեջ առկա ասկորբինաթթուն մի քանի անգամ կբարձրացնի դրանց կլանումը օրգանիզմի կողմից և կօգնի խուսափել այնպիսի հիվանդություններից, ինչպիսիք են քաղցկեղը, շաքարախտը և սրտանոթային խանգարումները։
Կանաչ թեյը պարունակում է կատեխին պոլիֆենոլներ, որոնք օգնում են ճնշել չարորակ բջիջները, բայց կանաչ թեյն ինքնին կարող է ստամոքսում թողնել այդ օգտակար նյութերի միայն 20% -ը: Իսկ ահա ցիտրուսային հյութի հետ միասին կատեխիններն օրգանիզմում արդեն պահպանվում են 80% -ով: Եթե մի գդալ շաքարավազ ավելացնեք, ապա դրանք օրգանիզմի կողմից կյուրացվեն երեք անգամ ավելի հեշտ:
Հավի միս + գազար
Գազարը հարուստ է վիտամին A- ով, որն օգնում է օրգանիզմին պայքարել վարակների և վիրուսների դեմ, բայց առանց ցինկի, որով հարուստ է հավի միսը, օրգանիզմի համար դժվար է յուրացնել այդ վիտամինը: Այդ պատճառով, նորմալ յուրացման համար օգտակար է գազարը համատեղել հավի մսի հետ, որը շատ ցինկ է պարունակում:
Վարսակի փաթիլներ + խնձոր
Վարսակում առկա բետա գլուկանը և ավենանտրամիդները նպաստում են օրգանիզմում խոլեստերինի մակարդակի նվազեցմանը և պաշտպանում են արյան անոթները: Այս ներգործությունն ուժեղացնում է խնձորը, որը հարուստ է ֆլավոնոիդներով` կարևոր հակաօքսիդատներով, որոնք պաշտպանում են օրգանիզմը ազատ ռադիկալների ավելցուկից և օգնում են պայքարել բորբոքումների դեմ:
Ի դեպ «վարսակ + խնձոր» համադրությունը բարենպաստ ազդեցություն ունի օրգանիզմում երկաթի փոխանակման վրա, ինչը նաև բարելավում է իմունային համակարգը։
Կտավատի սերմեր + յոգուրտ
Flax seeds in a spoon and a bowl on a wooden table 
Layered Light Healthy Dessert Pudding from Chia Seeds in Almond Milk with Yogurt and Blueberries in the Glass Bowl on the Light Wooden Background
Այս համադրությունն օգնում է բարելավել մարսողությունը և բարենպաստ ազդեցություն ունի օրգանիզմի վրա: Յոգուրտը պարունակում է օգտակար պրոբիոտիկներ, իսկ կտավատի սերմերում կան օրգանիզմում պրոբիոտիկների յուրացման համար անհրաժեշտ պրեբիոտիկներ: Կտավատի սերմերում կա նաև մեծ քանակի վիտամին E, B խմբի վիտամիններ և օմեգա-3 թթուներ: Յոգուրտին ավելացված մեկ գդալ կտավատի սերմը կօգնի կարգի բերել աղիների միկրոֆլորան:
