ԵՐԵՎԱՆ, 30 հուլիսի./Նովոստի–Արմենիա/. Անանուխի համով սառը ցիտրուսային լիմոնադն իսկական փրկություն է ամռան այս շոգին։
Առաջարկում ենք բնական լիմոնադի պարզ բաղադրատոմս, որը ոչ միայն հարուստ է վիտամիններով, այլև ամրապնդում է իմունիտետը։
Բաղադրիչներ
- կիտրոն – 2 հատ
- նարինջ – 2 հատ
- թարմ անանուխ – 5–6 տերև
- ջուր – 1,5 լիտր
- շաքարավազ – 3 ճաշի գդալ
Պատրաստման եղանակը
Լվանալ նարինջն ու կիտրոնը, կտրել, քամել հյութը։ Գոլ ջրում հալեցնել շաքարավազը, ավելացնել ցիտրուսների հյութը, մրգերի կտորներ և անանուխի տերևներ, խառնել։ Թրմել լիմոնադը 2–3 ժամ։ Մատուցելուց առաջ ավելացնել սառույցի խորանարդիկներ։
