ԵՐԵՎԱՆ, 7 օգոստոսի. /Նովոստի-Արմենիա/. Ի՞նչը կարող է լինել ավելի համեղ և օգտակար, քան տան պայմաններում պատրաստված հատապտուղներով պաղպաղակը։ Առաջարկում ենք grazia ամսագրից հիանալի աղանդերի բաղադրատոմս, որը շատ արագ է պատրաստվում։
Բաղադրչներ
- 35% յուղայնությամբ սերուցք – 200մլ
- յուղազրկված կաթ – 200 մլ
- շոկոլադ – 70 գ
- շաքարավազ – 50 գ
- Հատապտուղներ՝ ըստ ճաշակի
Ելակի սոուսի համար
- ելակ – 250 գ
- շաքարավազ – 50 գ
Պատրաստման եղանակը
Լվացած հատապտուղները տրորել պատառաքաղով կամ բլենդերով։ Խորը ամանի մեջ խառնել սերուցքը և կաթը։ Շոկոլադը ձեռքերով մանրացնել, ավելացնել սերուցքին և կաթին ու դնել մարմանդ կրակի վրա՝ աստիճանաբար ավելացնելով շաքարավազը։ Երբ խառնուրդը պատրաստ լինի, հովացնել՝ հասցնելով սենյակային ջերմաստիճանի, լցնել բաժինների բաժանած հատուկ տարայի մեջ և ավելացնել մեկական գդալ տրորած հատապտուղ։ Ամեն բաժնի մեջ մեկական փայտիկ խրել և դնել սառցարանը՝ մինչև սառչի։
Ելակով սոուսի համար անհրաժեշտ է բլենդերով հարել ելակը և շաքարավազը, հետո անցկացնել մաղի միջով։
Մատուցելուց առաջ պաղպաղակի վրա լցնել ելակով սոուսը։-0-
