Շոկոլադից, մրգերից և պաղպաղակից քաղցր աղանդեր. պարզապես ցնցող համ (ՎԻԴԵՈ)

ԵՐԵՎԱՆ, 24 սեպտեմբերի./Նովոստի–Արմենիա/. Հոգնե՞լ եք շոկոլադե սովորական սալիկներից և կեքսերից։

Food&Wine պորտալը ներկայացնում է, թե ինչպես կարելի է մի քանի րոպեում պատրաստել շոկոլադից, պաղպաղակից և մրգերից համեղ աղանդեր։

Բաղադրիչներ

• շոկոլադի սալիկ – 300 գրամ
• պաղպաղակ – 200 գրամ
• միրգ
• թխվածքաբլիթ
• շոկոլադի փշրանքներ կամ կակաո

Պատրաստման եղանակը

Շոկոլադը մասերի բաժանել և հալեցնել գոլորշու վրա։ Բաժակը շուռ տալ, վրան փաթաթել փայլաթիթեղ (фольга), քսել հալեցված շոկոլադը և դնել սառնարանը 15–20 րոպեով մինչև պնդանա։ Կտրել ցանկացած միրգ։ Զգուշությամբ պոկել շոկոլադե բաժակը փայլաթիթեղի վրայից և մեջ դնել պաղպաղակ, թխվածքաբլիթի կտորներ և կտրատած միրգը։ Կարելի է խառնել բոլոր բաղադրիչները։ Վրան ցանել շոկոլադի փշրանքներ կամ կակաո։ Վայելեք...