ԵՐԵՎԱՆ, 18 մայիսի./Նովոստի–Արմենիա/. Հայկական 18 գինի հեղինակավոր Berliner Wine Trophy 25-րդ միջազգային մրցույթին շահել են ոսկե և արծաթե մեդալներ, հաղորդում է Հայաստանի խաղողագործության և գինեգործության հիմնադրամը։
«Սա որակի ամենաբարձր և անկողմնակալ գնահատականն է, քանի որ Berliner Wine Trophy -ն ացկացվում է Խաղողագործության և գինեգործության միջազգային կազմակերպության (OIV) հովանու ներքո։ Շնորհավորում ենք մեր հայ գինեգործներին և մաղթում նորանոր ձեռքբերումներ», – նշել են հիմնադրամից։ Berliner Wine Trophy–ն (BWT) գինիների խոշորագույն մրցույթն է աշխարհում, որն այս տարի անցկացվել է ապրիլի 8–18–ը։
BWT–ին մասնակցելու համար ամեն տարի Գերմանիա են այցելում հայտնի արտադրողներ և դիստրիբյուտորներ ամբողջ աշխարհից, գինիների ներկայացված նմուշների թիվն անընդհատ աճում է` տարեկան շուրջ 14 հազար (ձմեռային և ամառային սեզոններին)։–0–
