Մարինացված ձկան ուտեստները միշտ էլ սիրված են: Նույնիսկ եթե դուք այդքան էլ ձուկ չեք սիրում, այս ճաշատեսակը ձեզ հաստատ դուր կգա:
Ձկան պատրաստման եղանակներն այնքան շատ են, որ գործնականում անհնար է բոլորը թվարկել:
Այսօր ձեզ ենք ներկայացնում մարինացված ձկան ամենահամեղ բաղադրատոմսերից մեկը:
Բաղադրիչներ
- ցանկացած տեսակի ձուկ-700 գրամ
- սոխ-1 հատ
- գազար-1 հատ
- ալյուր-3 ճաշի գդալ
- բուսայուղ-100 մլ
- տոմատի մածուկ-1 ճաշի գդալ
- ջուր-1 բաժակ
- շաքարավազ-0.5 թեյի գդալ
- աղ ,սև պղպեղ
- դափնու տերև-1 հատ
- քացախ - 0,5 ճաշի գդալ
Պատրաստման եղանակը
Մաքրել ձուկը, բաժանել մոտ երկու սանտիմետր հաստությամբ շերտերի: Կարելի է նաև ձկան փափկամիս վերցնել:
Կտորները համեմել աղով և պղպեղով, ապա դնել ալյուրի մեջ: Կտրել սոխը, իսկ գազարը քերել:
Ձուկը երկու կողմից տապակել բուսայուղի մեջ: Առանձին տապակել սոխն ու գազարը, տոմատի մածուկի վրա ավելացնել տաք ջուր, աղ, շաքարավազ, դափնու տերև, ու այն լցնել տապակվող սոխի և գազարի վրա։ Մարինադը շոգեխաշել միջին կրակի վրա 5 րոպե, հետո թողնել, որ սառչի։ Այնուհետև աելացնել քացախն ու խառնել։
Ափսեի վրա շերտերով դնել ձուկն ու մարինադը և թողնել սառնարանում առնվազն 3 ժամ, և անուշաբույր մարինացված ձուկը պատրաստ է։
Բարի ախորժակ
