Երշիկով և պանրով տապակած լավաշը համեղ, արագ և հեշտ պատրաստվող խորտիկ է, որը խոհանոցում օգնության կհասնի ցանկացած իրավիճակում:
Այն համեղ հյուրասիրություն անսպասելի հյուրերի համար:
Անուշաբույր այս ուտեստը՝ երշիկով և հալած պանրի միջուկով, պարզ, բայց չափազանց համեղ է:
Անհրաժեշտ բաղադրիչներ
- լավաշ – 3 հատ
- ձու – 2 հատ
- ջուր – 1 ճաշի գդալ
- պանիր – 100-150 գրամ
- երշիկ – 200-300 գրամ
- կանաչ սոխ – 0,5 փունջ
- մաղադանոս – 0.25-0.5 փունջ
- թթվասեր – 3 ճաշի գդալ
- մանանեխ –1 թեյի գդալ (ըստ ճաշակի)
- աղ, աղացած սև պղպեղ
- բուսայուղ – տապակելու համար
Պատրաստման եղանակը
Կտրել երշիկը փոքր խորանարդիկների և քերել պանիրը: Այնուհետև մանր կտրատել կանաչ սոխն ու մաղադանոսը:
Ավելացնել թթվասերը, մանանեխը, մի քիչ աղ և աղացած սև պղպեղ: Ամեն ինչ լավ խառնել:
Կոտրել 2 ձուն առանձին տարայի մեջ: Ավելացնել 1 ճաշի գդալ ջուր, մի պտղունց աղ և աղացած սև պղպեղ, այնուհետև խառնուրդը թեթևակի պատառաքաղով խառնել:
Կտրել լավաշը 7-8 սանտիմետր լայնությամբ շերտերի: Ապա կտրել կլորացված եզրերը, որպեսզի դրանց ծայրերը դառնան քառակուսի: Այս կերպ ավելի հարմար կլինի լավաշը միջուկով լցոնել՝ դարձնելով եռանկյունի:
Լավաշի յուրաքանչյուր շերտի վրա լցնել 1 ճաշի գդալ պատրաստված միջուկը, և այն եռանկյունաձև տարածել: Կրկնել գործընթացը լավաշի մնացած բոլոր շերտերով մինչև միջուկը վերջանա:
Ստացված եռանկյունիները երկու կողմից թաթախել ձվի մեջ և դնել նախապես տաքացրած տապակի մեջ:
Տապակել միջին կրակի վրա, երկու կողմից: Ցանկության դեպքում կարելի է փակել կափարիչը, որպեսզի պանիրն ամբողջությամբ հալվի:
Երշիկով և պանրով տապակած լավաշը պատրաստ է: Բարի ախորժակ…
