Բալի վարենիկներ. լեգենդար ուտեստի դասական բաղադրատոմս

Բալի վարենիկները և՛ հիմնական ուտեստ է, և՛ աղանդեր: Բացի այդ, սննդաբանները նշում են, որ բալը շատ օգտակար է օրգանիզմի համար։

Խմորի համար

ջուր-200 մլ

աղ- ½ թեյի գդալ

բուսայուղ-1 ճաշի գդալ

ալյուր-350 գրամ

Լցոնի համար

սառեցված բալ – 400 գրամ

շաքարավազ-100 գրամ

Սոուսի համար

սառեցված բալ-100 գրամ

օսլա-1 թեյի գդալ

շաքարավազ-3 ճաշի գդալ

Պատրաստման եղանակը

Ալյուրը աղով մաղել թասիկի մեջ և ենտրոնում խորը փոս անել: Փոսի մեջ աստիճանաբար ջուր լցնել, այնուհետև ավելացնել բուսայուղը: Հունցել մինչև միատարր, առաձգական խմոր դառնա: Խմորը փաթաթել բարակ թաղանթի մեջ և թողնել 30-40 րոպե։

Խմորը ալյուրապատ մակերեսի վրա գրտնակել 2 մմ հաստությամբ շերտով։ Բաժակով խմորից  6 սմ տրամագծով շրջանակներ կտրել, յուրաքանչյուր շրջանակի վրա դնել 2-3 բալ և մի փոքր շաքարավազ ավելացնել։ Ծայրերն ամուր իրար միացնել:

Սոուսի համար կաթսայի մեջ խառնել բալը, օսլան և շաքարավազը, եռացնել և մարմանդ կրակի վրա եփել 5-7 րոպե։ Վարենիկները 5-7 րոպե եփել աղաջրի մեջ մինչև փափկի։

Մատուցել սոուսի հետ։

Բարի ախորժակ