Food&Wine-ը շարունակում է ներկայացնում բանջարեղենի կամ մրգի տեսակներ` անդրադառնալով դրանց կալորիականությանը, օգտակար և վնասակար հատկություններին, հակացուցումներին։ Եվ այսօր կպատմենք բրոկկոլիի մասին ամենահետաքրքիրն ու օգտակարը։
Բրոկկոլիի մասին
Բրոկկոլիի հայրենիքն Իտալիան է: Այն ստացվել է կաղամբի տեսակների հիբրիդացման միջոցով մ.թ.ա. 5-6-րդ դարերում։ Բազմաթիվ արժեքավոր հատկությունների շնորհիվ, որոնք հայտնի են ավելի քան հարյուր տարի, այն կոչվում է «Կաղամբի թագուհի»: Դարեր շարունակ կաղամբի այս տեսակը հայտնի չէր Իտալիայի սահմաններից դուրս։
Կալորիականություն
- 100 գրամ բրոկկոլիում - 28 կկալ
- Ածխաջրեր - 5.2 գրամ
- Սպիտակուցներ - 0,3 գրամ
- Ճարպեր-0.4 գրամ
Օգտակար հատկություններ
Բրոկկոլին չափազանց արժեքավոր մթերք է, այն պարունակում է B1, B2, C, PP, B և E վիտամիններ, կալիումի, ֆոսֆորի, կալցիումի և մագնեզիումի աղեր: Բրոկկոլին օգնում է նվազեցնել խոլեստերինի մակարդակը արյան մեջ։ Բրոկկոլիում առկա բուսական պիգմենտները՝ գլյուկորաֆանինը, գլյուկոնաստուրցինը և գլյուկոբրասցինը, ներգրավված են օրգանիզմի դետոքսիկացման գործընթացի բոլոր փուլերում՝ տոքսինների չեզոքացումից մինչև դրանց դուրս բերումն օրգանիզմից:
Բրոկկոլին սննդարար նյութերով հարուստ բանջարեղեն է։ Այն դրական է ազդում մարսողության, սրտանոթային, իմունային համակարգերի վրա, ինչպես նաև ունի հակաբորբոքային և հակաքաղցկեղային ազդեցություն: Ավելին, բրոկկոլին պարունակում է քիչ քանակությամբ նատրիում և կալորիաներ և ընդհանրապես ճարպ չի պարունակում:
Վնասակար հատկություններ
Բրոկկոլին խորհուրդ չի տրվում օգտագործել ստամոքսի բարձր թթվայնություն և պանկրեատիտ (ենթաստամոքսային գեղձի բորբոքային հիվանդություն, խմբ.) ունեցող մարդկանց:
Մարդիկ, ովքեր դեղամիջոցներ են ընդունում, պետք է զգուշությամբ օգտագործեն բրոկկոլի: Այս մթերքի մեջ պարունակվող վիտամին K-ն կարող է փոխազդել դեղամիջոցների հետ և նվազեցնել մթերքի արդյունավետությունը: Հիպոթիրեոզով (վահանաձև գեղձի հիվանդություն-խմբ.) հիվանդները նույնպես պետք է սահմանափակեն բրոկկոլիի օգտագործումը:
Հակացուցումներ
Այս բանջարեղենը հակացուցված է ենթաստամոքսային գեղձի հիվանդություններ, ինչպես նաև ստամոքսի բարձր թթվայնություն ունեցող մարդկանց։
Բջջանյութի բարձր պարունակության պատճառով հում բրոկկոլին հակացուցված է նրանց, ովքեր նոր են վիրահատվել։
