ԵՐԵՎԱՆ, 24 դեկտեմբերի./Նովոստի-Արմենիա/. Forbes-ը հրապարակել է 2021թ.-ի 10 ամենասիրված ռեստորանների ցանկը:
Վարկանիշում ներառվել են 10 ռեստորաններ ամբողջ աշխարհից, որոնք այդ թվում ունեն Միշլենյան աստղեր, ինչպես նաև «Ծաղկունք» հայկական ռեստորանը, որտեղ, մասնավորապես, կազմակերպվել է միշլենյան աստղ Մեդս Ռեֆսլունդի գաստրո-ընթրիքը, որը կոչված էր ընդգծել Հայաստանի դիրքն աշխարհի խոհարարական քարտեզում:
«Երբ գնացի նախաճաշելու, շեֆ խոհարար Սուսաննա Ղուկասյանն ու նրա թիմը պատրաստեցին հյուրասիրություն թարմ և ապխտած պանրից, կանաչեղենից, լավաշից, ճաշատեսակներ ձվից, լազանիայի տեսակից, ավելուկից և իմ սիրելի ash reshteh-ից (պարսկական ապուր կանաչեղենով, լոբիով և մածունով)», - գրել է հոդվածի հեղինակը:
Նա կանխատեսել է, որ Հայաստանը կունենա Վրաստանի նման խոհարարական ապագա:-0-
