ԵՐԵՎԱՆ, 17 հուլիսի./Նովոստի–Արմենիա/. Գինի ընտրելու գործընթացը վախեցնում է միայն սկզբում։ Այն մարզական հետաքրքրության նման մի բան է և կարող է հաճույք պատճառել, գրում է The Village–ը։
Կարևոր է հիշել` պարտադիր չէ, որ ընտրության տեխնոլոգիան լինի քաոսային, քանի որ աշխարհի բոլոր գինիները հնարավոր չէ համտեսել, դրանք չափազանց շատ են ու տարբեր։ Սովորեք վերլուծել, հիշել, թե ինչ եք խմում։ Ամեն անգամ գինի խմելիս գրանցեք ձեր զգացողությունները, չէ՞ որ անգամ Moleskine–ը թողարկում է հատուկ տետրակներ գինե նշումների համար։ Սովորեք ուշադրություն չդարձնել պիտակների դիզայնին, պիտակի վրա կարևորը տեղեկատվությունն է, որը պետք է ընթերցել` երկիր, մարզ, տեսակներ։
Աովորեք ընթերցել նաև պիտակի հակառակ կողմը, այն հաճախ գրված է ռուսերեն, այնտեղ կարելի է ծանոթանալ նաև գինու խառնուրդների տեսակավոր բաղադրությանը և առկա բնական շաքարի քանակին, այսինքն` հասկանալ, թե որքան չոր է գինին։ Եվ մի զլացեք, մեծ հաշվով կա գինու մասին սեփական գիտելիքները հարստացնելու ընդամենը երկու միջոց` շեշտը դնել տեսության վրա և շատ համտեսել։ Կատարյալ տարբերակ է երկուսի համադրությունը։ –0–
