ԵՐԵՎԱՆ, 8 օգոստոսի. /Նովոստի-Արմենիա/. Ամառային սննդակարգն ավելի բազմազան դարձնել ցանկացողների համար «Նովոստի-Արմենիա» գործակալությունն առաջարկում է աղցանների սոուսների հեշտ և ոչ ստանդարտ բաղադրատոմսեր, որոնց մասին գրել է Elle ամսագիրը:
Մեղրաբալզամիկ սոուս
Հարմար է հնդկահավով կամ հավով աղցանների համար
Բաղադրիչներ.
Ձիթապտղի յուղ` 2 ճշ.գ.
Բալզամիկ քացախ` 3 ճգ.գ.
Մեղր` 1 թ.գ.
Սխտոր` 1 պճեղ
Աղ և պղպեղ
Պատրաստման եղանակը.
Սոուսի համար պետք է խառնել բոլոր բաղադրիչները և ծեփել պատառաքաղով մինչև էմուլսիա ստանալը (որպես տարբերակ, լցնում ենք փոքրիկ բանկայի մեջ, փակում ենք կափարիչով և ակտիվորեն թափահարում ենք` մինչև նույն էմուլիան ստացվի):
Սխտորի սոուս
Հարմար է կարտոֆիլով աղցանների համար
Բաղադրիչներ.
Սխտորի միջին պճեղ` 2 հատ
Կարմիր գինու քացախ` 3 ճշ.գ.
Ձիթապտղի յուղ` 4-5 ճշ.գ.
Աղ և աղացած սև պղպեղ` ըստ ճաշակի
Պատրաստման եղանակը.
Դնել սխտորը հավանգի մեջ 2 մեծ պտղունց աղի հետ: Տրորոմ ենք հավանգակոթով մինչև պյուրե դառնալը: Լցնում ենք քացախը, խառնում ենք և թողնում ենք 3 րոպե: Բարակ շիթով ավելացնում ենք ձեթը` անդադար խառնելով պատառաքաղով` մինչև էմուլսիայի գոյացումը (ձեթը պետք է հավասարաչափ խառնվի մնացած բաղադրիչների հետ):
Սալսա
Հարմար է ձկան կամ թռչնամսով աղցանների համար
Բաղադրիչներ.
Միջին հասունության լոլիկ` 2 հատ
Գլուխ սոխ` 1 հատ
Չիլի ոչ մեծ կծու պղպեղ` 1 հատ
Սխտոր` 1 պճեղ
Լայմի հյութ` 1 ճշ.գ.
Մի բուռ համեմի փոքր տերևներ` 10 գրամ
Աղ և պղպեղ ըստ ճաշակի
Պատրաստման եղանակը.
Մանր կտրատում ենք պղպեղը, լոլիկը, սոխը, սխտորը և համեմը: Այդ ամենը խառնում ենք լայմի հյութի հետ: Փակում ենք ամանը և թողնում ենք սենյակային ջերմաստիճանի պայմաններում մոտ 30 րոպե:
Բալզամիկ–հազրեվարդի սոուս
Հարմար է խորոված բանջարեղենով աղցանների համար
Բաղադրիչներ.
Բալզամիկ քացախ` 60 մլ
Դիժոնի մանանեխ` 1 ճշ.գ.
Սխտոր` 1 պճեղ
Հազրեվարդի թարմ ասեղներ (կամ 1 թ.գ. չորից)
Ջուր` 1 ճշ.գ.
Աղ` 2 ճշ.գ.
Աղացած սև պղպեղ` թ.գ. ½-ը
Ձիթապտղի յուղ` թ.գ. ¼-ը
Պատրաստման եղանակը.
Դնում ենք բոլոր բաղադրիչները բլենդերի մեջ և խառնում ենք մինչև միատարր էմուլսիա ստանալը:
