ԵՐԵՎԱՆ, 14 հոկտեմբերի. /Նովոստի-Արմենիա/. Վիտամինային ըմպելիքներն առողջ կենսակերպի հետևորդների մոլուցքն է: Ո՞ր բաղադրիչները խառնել բլենդերում, հյութաքամիչում կամ կաթսայում օրգանիզմը կոփելու, հոգու առույգությունը պահելու և ամրացնելու աշնանային ավիտամինոզի նախաշեմին։ Առաջարկում ենք ձեզ Elle ամսագրի կազմած օգտակար կոկտեյլների տեսականին։
Հյութ չորս ցիտրուսներից
Բաղադրիչներ
Գուավա – 3 հատ (կարելի է փոխարինել մեկ քաղցր խնձորով)
Նարինջ – 3 հատ
Մանդարին – 3 հատ
Լայմ – 2 հատ
Կիտրոն – 1 հատ
Մեղր – 1 ճաշի գդալ
Պատրաստումը
Հյութաքամիչի օգնությամբ քամել բոլոր մրգերի հյութը։ Ավելացնել մեղր, լավ խառնել։ Ցանկալի է խմել օրվա առաջին կեսին, կարելի է դատարկ ստամոքսին։
Հյութ արևածաղկի սերմերով
Բաղադրիչներ
Մանգո – 2 յատ
Կիվի – 3 հատ
Խնձոր – 2 հատ
Արևածաղկի սերմեր – 1 ճ.գ.
Նուշ – 4 հատ
Պատրաստումը
Կեղևազրկել և կորիզազրկել մրգերը։ Կտրատել, մանրացնել բլենդերում սերմերի հետ։ Դնել սառնարան երեք ժամով։ Խմել պաղեցրած։
Էկզոտիկ վիտամինային ըմպելիք խոտաբույսերից և համեմունքներով
Բաղադրիչներ
2 բաժակ կիտրոնային աղավնարոտի չոր տերևներ 1 чашка сушеной ромашки
1 բաժակ նարնջի չոր կեղևներ
3 ճաշի գդալ չոր լոռամիրգ
1 մեծ պտղունց դարչին
1 լիտր ջուր
Դարչնագույն շաքար կամ մեղր
Պատրաստումը
Բոլոր բաղադրիչները խառնել չոր ապակե շշի մեջ, լավ փակել, որ բույրը պահպանվի։ Երկու ճաշի գդալ խառնուրդին ավելացնել մեկ լիտր ջուր։ Թողնել թրմվելու 10 րոպե, ջրքամել։ Քաղցրեցնել ըստ ճաշակի
Սիբիրյան գաղտնիք
Բաղադրիչներ
1 բաժակ ընկույզ
500 գր լոռամիրգ
3 կանաչ խնձոր
500 գր շաքար
500 մլ ջուր
Մեկ բաժակ սիրած թեյ
Պատրաստումը
Ընկույզը մանրացնել։ Լոռամիրգը տրորել շաքարի հետ, խնձորը մանր խորանարդաձև կտրատել։ Բոլոր բաղադրիչները տեղափոխել կաթսայի մեջ, ջուր լցնել և դնել դանդաղ կրակի վրա։ Հենց որ ըմպելիքը եռա` տեղափոխել շշի մեջ։ Ավելացնել մեկ ճաշի գդալ թեյի մեջ ամեն առավոտ և երեկո։ -0-
