Կոլա, աղ և հում ձու. սուրճի յուրօրինակ բաղադրատոմսեր

Բաղադրիչներ.

• 150 մլ կաթ
• Կակաոյի փոշի
• Սուրճի սառեցրած խորանարդիկներ

Պատրաստման եղանակը.

Սկզբում պետք է պատրաստել քամված սուրճ, թողնել, որ հովանա, հետո լցնել սառույց պատրաստելու ամանի մեջ: Դնել սառցարան: Մինչ սուրճը սառույցի է վերածվում, կարող եք տաքացնել կաթը, բարձր բաժակի մեջ լցնել 60մլ կաթ և ավելացնել մի գդալ կակաոյի փոշի: Ավելացնել սուրճի խորանարդիկները և վրան լցնել մնացած կաթը:

Բաղադրիչներ.

• 30 մլ էսպրեսսո
• 1 հում ձու
• 3 թեյի գդալ խտացրած կաթ
• Մեղր

Պատրաստման եղանակը.

Այսպիսի անսովոր սուրճ պատրաստելու համար անհրաժեշտ է սկզբում առանձնացնել ձվի սպիտակուցը դեղնուցից: Դեղնուցին ավելացնել մի քանի կաթիլ մեղր և հարել մինչև առաջանա փրփուր: Առանձին բաժակում հարել սպիտակուցը` ավելացնելով շաքարավազ և 2-3 կաթիլ մեղր: Հարել այնքան մինչև զանգվածը վերածվի փրփուրի: Պատրաստել էսպրեսսո: Իսկ հիմա ամենահետաքրքիրը. բաժակի մեջ լցնել 3 գդալ խտացրած կաթ և վրան ավելացնել էսպրեսսոն: Հետո լցնել դեղնուցի խառնուրդը, իսկ վերևից զգուշորեն ավելացնել սպիտակուցից պատրաստված փրփուրը: Վիետնամական անսովոր սուրճը պատրաստ է:

Բաղադրիչներ.

• 170 մլ սուրճ
• 1 թեյի գդալ նարնջի հյութ
• Նարնջի կեղև
• Մի պտղունց աղ

Պատրաստման եղանակը.

Այս ըմպելիքի պատրաստման համար շատ ջանք չի պահանջվում: Պետք է եփել սուրճը` ավելացնելով կես թեյի գդալ շաքարավազ և մի պտղունց աղ: Ուշադրություն. շատ աղ չավելացնեք, քանի որ սուրճը կարող է չափազանց աղի լինել: Պատրաստի ըմպելիքին պետք է ավելացնել մեկ թեյի գդալ նարնջի հյութ և նարնջի կեղև:

Բաղադրիչներ.

• 150 մլ սուրճ
• 50 մլ կոկա-կոլա
• Սառույց
• Բալի հյութ կամ պաղպաղակ

Պատրաստման եղանակը.

Դառը սև սուրճ պատրաստել, թողնել հովանա: Լցնել բարձր բաժակի մեջ, ավելացնել կոլան և սառույցը: Ըստ ցանկության ավելացնել 50 մլ բալի հյութ կամ մի գնդիկ պաղպաղակ: