ԵՐԵՎԱՆ, 12 դեկտեմբերի./Նովոստի–Արմենիա/. Գլինտվեյնը, թերևս, ամենաձմեռային ու ամանորյա խմիչքն է, որի բույրը միանգամից պարուրում է հարմարավետությամբ և ստեղծում հատուկ տրամադրություն։ Այս խմիչքի պատրաստման բազում եղանակներ կան. ամեն ինչ կախված է ձեր ճաշակից և նախապատվությունից։ Մենք առաջարկում ենք այս անուշահամ խմիչքի վեց հասարակ բաղադրատոմս Big Picture-ից, որոնք դուք կարող եք պատրաստել տանը։
Ոչ ալկոհոլային գլինտվեյն
Բաղադրիչներ 4 բաժնի համար
- Ջուր՝ կես բաժակ
- խաղողի հյութ՝ 3 բաժակ
- չամիչ՝ 2 ճաշի գդալ
- կես խնձոր
- նարնջի կեղև՝ 2 ճաշի գդալ
- կիտրոնի կեղև՝ 2 ճաշի գդալ
- դարչին՝ 1 թեյի գդալ
- մեխակ՝ կես թեյի գդալ
- հիլ (кардамон)՝ մի պտղունց
- կոճապղպեղ՝ 1գ
Պատրաստման եղանակը
Կաթսայի մեջ (ոչ ալյումինե) լցնել բոլոր բացադրիչները և խառնել։ Դնել սալօջախին, բայց չեռացնել։ Հետո վերցնել կրակից և թողնել մի քանի րոպե, որպեսզի թրմվի։
Նարնջով և մեղրով գլինտվեյն
Բաղադրիչներ 5 բաժնի համար
- 2 խնձոր
- 2 նարինջ
- 1 կիտրոն
- 2 ճաշի գդալ մեղր
- 1 թեյի գդալ դարչին
- անիսոն և մեխակ՝ ըստ ճաշակի
- կոճապղպեղի արմատ
- 1լ կարմիր անապակ գինի
Պատրաստման եղանակը
Խնձորը կտրատել, նարինջների հյութը քամել, մանր քերիչով քերել կոճապղպեղը (մոտ 3-4 սմ կտոր)։ Խնձորի և նարնջ հյութի վրա քամել կիտրոնը, ավելացնել կիտրոնի քերած կեղևը և խառնել (կարելի է հետո հանել կիտրոնի կեղևը)։ Դրանից հետո ամբողջ զանգվածը լցնել կաթսայի մեջ, ավելացնել մեխակը, անիսոնը և դարչինը, վրան լցնել մեղրը և կարմիր գինին ու դնել մարմանդ կրակին։ Կաթսան վերցնել կրակից մինչև եռալը և թողնել մի քանի րոպե, որ թրմվի։
Գլինտվեյն նարնջով և սպիտակ գինով
Բաղադրիչներ 4 բաժնի համար
- սպիտակ անապակ գինի՝ մեկ շիշ 0,7
- ջուր՝ կես բաժակ
- մեկ նարինջ
- շաքարավազ՝ 100գ
- դարչինի մեկ փայտիկ
- երեք մեխակ
Պատրաստման եղանակը
Նարնջի շերտերը լցնել կաթսայի մեջ, ավելացնել համեմունքները և շաքարավազը, վրան ջուր լցնել և դնել միջին կրակին։ Խառնել այնքան ժամանակ մինչև սկսի եռալ, պտղամիսը հանել։ Դրանից հետո հեղուկին ավելացնել գինին և տաքացնել սալօջախի վրա՝ չթողնելով, որ եռա։
Գլինտվեյն մուգ գարեջրով
Բաղադրիչներ 4 բաժնի համար
- Մուգ գարեջուր՝ 1լ
- մեղր՝ 5 թեյի գդալ
- մեկ նարինջ
- մեկ կիտրոն
- դարչինի մեկ փայտիկ
- մշկընկույզ՝ 0,5գ
- հիլ (кардамон)՝ 1գ
- կոճապղպեղ՝ 5գ
- երեք հատիկ մեխակ
Պատրաստման եղանակը
Գարեջուրը լցնել կաթսայի մեջ և տաքացնել մինչև առաջին պղպջակների հայտնվելը։ Ավելացնել համեմունքն ու մեղրը, խառնել և նորից դնել միջին կրակին։ Ամենավերջում ավելացնել դարչինը և նարնջի օղակները։ Բաց գույնի գարեջուրը ևս կարելի է օգտագործել, բայց համը յուրահատուկ և սուր կլինի, դրա համար ավելի լավ է գլինտվեյնը պատրաստել պորտեր և ստաուտ տեսակի գարեջրից։
Սրճային գլինտվեյն կոնյակով
Բաղադրիչներ 4 բաժնի համար
- կարմիր անապակ գինի՝ 0,7լ
- կոնյակ՝ կես բաժակ
- սուրճ էսպրեսո 1,5 բաժակ
- շաքարավազ՝ 150գ
Պատրաստման եղանակը
Սուրճը եփել, որից հետո բոլո բաղադրիչները լցնել կաթսայի մեջ և դնել միջին կրակին։ Խառնել շաքարավազը, եռացնել, ինչից հետո վերցնել կրակից և թողնել, որ թրմվի։ Կոնյակը պարտադիր չէ, որ ամենաթանկը լինի, բայց և անորակ չլինի։ Այդ դեպքում այն, խառնվելով սուրճին, կհաղորդի գլինտվեյնին հիանալի բույր՝ շոկոլադե թեթևակի դառնահամությամբ։
Հապալասով գլինտվեյն
Բաղադրիչներ 4 բաժնի համար
- պորտվեյն՝ 0,7լ
- հապալասի հյութ՝ 4 բաժակ
- նարնջի հյութ` 1 բաժակ
- ջուր՝ կես բաժակ
- շաքարավազ՝ 1 ճաշի գդալ
- հատիկավոր սև պղպեղ՝ 4 հատիկ
- կոճապղպեղի արմատ՝ 40գ
- դարչինի երկու փայտիկ
Պատրաստման եղանակը
Բոլոր բաղադրիչները լցնել կաթսայի մեջ (բացի պորտվեյնից), ավելացնել ջուրը, հապալասի և նարնջի հյութերը ու խառնել մինչև եռա։ Ինչից հետո վերցնել կրակի վրայից և թողնել, որ թրմվի։ Հետո ավելացնել պորտվեյնը, խառնել և լցնել բաժակների մեջ՝ նախօրոք քամելով։–0–
