ԵՐԵՎԱՆ, 23 հունվարի./Նովոստի–Արմենիա/. Շեֆ խոհարար և հեռուստահաղորդավար Ջեյմի Օլիվերն առողջ սննդի կողմնակից է և առանձնանում է պարզ և արտասովոր բաղադրատոմսերով։ Նրա ղեկավարության ներքո անգամ խոհարարությունից ամենահեռու մարդիկ կարող են սովորել համեղ պատրաստել։
Առաջարկում ենք պատրաստել հավի լյարդից պարֆե` բրիտանացի շեֆ խոհարարի բաղադրամտոմսով։
Բաղադրիչներ
- 450 գ հավի լյարդը լվանալ և մաքրել
- 400 գ փափկեցված կարագ
- Ձիթապտղի յուղ
- 1 մեծ բաժակ բրենդի
- 1 գլուխ սոխը մաքել և մանր կտրատել
- սխտոր 2 պճեղը մանր կտրատել կամ ճզմել
- Փոքրիկ կապ ծոթոր (ուրց), առանձնացնել տերևները և կտրատել
- Եղեսպակի մի քանի թարմ տերևներ
- Ծովի աղ
- Թարմ աղացած պղպեղ
Պատարստման եղանակը
Կարագը հալեցնել թույլ կրակի վրա։ Ստացված զանգվածն անցկացնել մաղի միջով, սպիտակ հատվածն առանձնացնել, իսկ դեղին զանգվածը պահել։ Թավայի մեջ տաքացնել մի փոքր ձիթապտղի յուղ, սխտորը և սոխը տապակել թույլ կրակի վրա 5 րոպեի ընթացքում մինչև փափկելը, տեղափոխել ափսեի մեջ։
Թավան պարզապես սրբել և կրկին դնել կրակի վրա` ցանելով մի փոքր ձիթապտղի յուղ։ Հետո ավելացնել ծոթորն ու հավի լյարդը։ Տապակել մեկ կողմի վրա մինչև կարմրելը։ Մեջտեղի հատվածում այն պետք է վարդագույն լինի, չափից շատ կրակի վրա պահելու դեպքում այն կարող է փսորվել։
Ստացված զանգվածին ավելացնել բրենդին։ Եթե գազի վրա եք պատրաստում, բրենդին անհրաժեշտ է այրել, որպեսզի ալկոհոլը դուրս գա։ Ստացված զանգվածով թավան թողնել կրակի վրա ևս 1 րոպե, հետո վերցնել և լյարդը տեղափոխել կոմբայնի մեջ` վերածելով միատարր զանգվածի։ Հետո խյուսին ավելացնել հալեցված կարագը` լավ խառնելով։
Պարֆեն երկու անգամ անցկացնել մաղի միջով և տեղափոխել մատուցվելիք ամանների մեջ։ Եղեսպակը տապակել ձիթապտղի յուղի մեջ մինչև խրթխրթան դառնա։ Տապակած եղեսպակը չորացնել թղթե սրբիչներով։ Այն ցանել պարֆեով ափսեների վրա, հետո ավելացնել հալեցված կարագի սպիտակ մասը։ Ոտեստը թողնել սառնարանում 60 րոպե։ Օլիվերը խորհուրդ է տալիս պարֆեն թողնել սառնարանում ավելի երկար ժամանակով, որպեսզի այն ավելի հագեցած համ ստանա։ Այս նախուտեստը կարող է պահել առնվազն 2 շաբաթ` վրայի յուղային շերտին ձեռք չտալու դեպքում։–0–
