ԵՐԵՎԱՆ, 26 հունվարի./Նովոստի–Արմենիա/. Հայտնի շեֆ խոհարար Անուշ Միրզոյանցը Food&Wine պորտալին ներկայացրել է ցուկինիով կրեմապուրի բաղադրատոմս:
Անհրաժեշտ բաղադրիչներ հավի արգանակի համար
- հավ - 1 կիլոգրամ
- ջուր – 2.5 լիտր
- նեխուր - 10 գրամ
- դափնու տերև - 3 հատ
- սև պղպեղ (հատիկ) - 10 հատ
- գազար - 1 հատ
- սոխ - 1 հատ
- սխտոր - 3 պճեղ
- աղ - 2 գրամ
- մաղադանոսի ցողուններ - 10 հատ
Հավի միսը դնել կաթսայի մեջ, վրան ավելացնել ջուր, դնել բարձր կրակի վրա, մինչև սկսի եռալ։ Վրայից հեռացնել գոյացած փրփուրը, ապա դնել մարմանդ կրակի վրա, ըստ ցանկի ավելացնել բոլոր բաղադրիչներն ու եփել 2.5 ժամ։ Թողնել, որ սառչի և մաղի միջով անցկացնել:
Անհրաժեշտ բաղադրիչներ կրեմապուրի համար
- հավի արգանակ - 500 մլ
- ցուկինի - 400 գրամ
- կաթի սեր 20% - 100 մլ
- թարխուն - 10 գրամ
- աղ - 2 գրամ
Անհրաժեշտ բաղադրիչներ «պաղպաղակի» համար
- այծի պանիր - 250 գրամ
- կաթի սեր 33% - 150 մլ
- կաթ - 150 մլ
- աղ - 2 գրամ
Կաթը և կաթի սերը լցնել կաթսայի մեջ, դնել մարմանդ կրակի վրա, չթողնել, որ հասնի եռման աստիճանի։ Պանիրը մանր քերիչով անցկացնել ու ավելացնել կաթնային զանգվածին՝ կրակը հնարավորինս մարմանդ թողնելով։ Եփել այնքան, մինչև պանիրն ամբողջությամբ հալվի։ Թողնել, որպեսզի խառնուրդը մի փոքր սառչի։ Հարել բլենդերով և թողնել, որ հանգստանա: Լցնել պլաստիկ տարայի մեջ։ Դնել սառցախցիկի մեջ 5 ժամ՝ մինչև ամբողջովին պնդանա։
Ժամը մեկ հանել սառցախցիկից և լավ խառնել, որպեսզի ավելի միասեռ զանգված ստացվի: Մատուցելուց առաջ կրեմապուրը զարդաել «պաղպաղակի» գնդիկներով։-0-
