ԵՐԵՎԱՆ, 15 ապրիլի./Նովոստի–Արմենիա/. The New York Times–ի գինու քննադատ Էրիկ Ազիմովը նշել է խաղողի 10 տեսակ, որոնց մասին քիչ բան է հայտնի իրենց երկրներից դուրս, բայց դրանցից լավ գինի է ստացվում։ Խաղողի այդ սորտերի մեջ է ներառվել հայկական «Արենին»։
Արենի
«Հայաստանն ու Վրաստանը տեղակայված են միմյանց կողք` Կասպից և Սև ծովերի արանքում գտնվող ցամաքի բարակ շերտի վրա։ Դա Կովկասի տարածաշրջանն է, որը շատերը համարում են գինու ծննդավայրերից մեկը։ Երկու երկրներում էլ կան խաղողի տասնյակ սորտեր, որոնց արժե ավելի մոտիկից ծանոթանալ, բայց ես ուզում եմ առանձնացնել հայկական «Արենին»», – գրել է Ազիմովը։
Նրա խոսքով, կարմիր խաղողը, որը նա համտեսել է ընդամենը մի քանի անգամ, ցնցող է` մի քիչ տանինային, բայց թարմ` հագեցած կարմիր մրգերի բույրով։ «Չունեմ հայկական գինիների աղբյուր, դրանք պատահաբար եմ գտնում։ Բայց անհամբերությամբ սպասում եմ հաջորդ հանդիպման», – գրել է քննադատը։–0–
